Беатрис Поттер

Беатрис Поттер(Элен Беатрикс Поттер, ағылш. Beatrix Potter; 28 шілде 1866 жыл, Кенсингтон, Лондон — 22 желтоқсан 1943 жыл, Нир-Сорей, Камбрия) — ағылшын жазушысы, суретші

Өмірбаяны

Беатрис Поттер Көлді аймақты алғаш рет 16 жасында көріп, оның табиғатының сұлулығына тәнті болады. Ол өзіне қайткенде де осы аймаққа қоныстанамын деп сөз береді. Кейіннен ол өзінің бала күнгі арманын іске асырып, Лондон қаласынан "Хилл-Топ" фермасына көшіп келеді. Беатрис өзі жазған ертегілерге сәйкесінше сурет салып отырған. Бұл суреттерде міндетті түрде баққа оранған өз үйі бейнеленетін.

Беатрис Поттердің жазушы әрі суретші ретіндегі өмір белесі 1902 жылдан бастау алады. Оның "Питер қоян жайлы ертегісін" баспагер Фредерик Уорн жарыққа шығарады. Бұған дейін кітапты бірнеше баспалар шығарудан бас тартқан болатын. 1910 жылға дейін жазушы ертегілер жазып, оған суреттер салып, жылына екі реттен кітабын жарыққа шығаратын. Оның өмір жолы қиын кезеңдерден тұрды. Ол 47 жасында тұрмысқа шығып, Сорей ауылында өмір сүреді. Оның орыс тіліне аударылған алғашқы жинағы "Ухти-тухти"деп аталады. Ол алғаш рет 1961 жылы жарық көріп, бірнеше мәрте қайта басылып шығып отырды.

1995 жылдың қаңтар айында Ресейдің ОРТ телеарнасында жазушы ертегілерінің негізінде "Питер Пуш және оның достары" атты мульфильмдер сериясы жарыққа шықты.

2006 жылы Беатрис жайлы "Мисс Поттер" атты көркемфильм жарыққа шықты. Басты рөлде Рене Зеллвегер ойнады.