Бегділдә Әйділдәұлы Алдамжаров

Бегділдә Әйділдәұлы Алдамжаров (3 сәуір, 1946 жылы туған, Қазалы ауданы, №99 темір жол айырмасы) – ақын, жазушы, тележурналист.

Өмірбаяны

• ҚазМУ-дың (ҚазҰУ) филология факультетін бітірген (1970).
• Еңбек жолын Қазалы ауданының мәдениет бөлімінде бастаған (1964) .
• Әр жылдары «Лениншіл жас» (қазіргі «Жас алаш») газетінде қызмет істеген.
• «Жазушы» баспасында қызмет істеген.
• Қазақ теледидары музыка редакциясында редактор, аға редактор болып қызмет істеген.
• Қазір «Жұлдыз» журналының бөлім меңгерушісі.

Шығармалары

Өлеңдері

• Алғашқы өлеңдері 1960 ж. «Сәт сапар» деген атпен республикалық жастар газетінде жарық көрген.
• Нөсер, А., 1968;
• Жыл мезгілдері, А., 1969;
• Айлы түндер, А., 1970;
• Нұр мен түнек, А., 1973;
• Іздедім сені, А., 1977;
• Мизам айы, А., 1983;

Бірқатар әндері "Ауыл кеші көңілді" жинағында жарық көрген. Сын жанрында да қалам толғап жүр.

Прозасы

• «Қара нөсер» (1981)
• «Жықпыл» (1985)
• «Ұлы сел» атты төрт томдық тарихи романының алғашқы екі кітабы (1988, 1992) жарық көрген.

Аудармалары

Төл туындыларынан басқа

• Ә.Фирдоусидің «Шаһнама» эпопеясының «Мәнушеһір» (1973) және «Кей Хосроу» (1976) дастандарын
• грузин ақыны О.Челидзенің балаларға арналған «Алхан мен Шалхан» атты дастанын (1971) қазақ тіліне аударды.
• А.Пушкин
• А.Блок
• П.Неруда
• Е.Евтушенко
• Б.Ахмадуллина
• А.Вознесенский, т.б. ақындардың өлеңдерін қазақ тіліне аударған.