Бейнені кадрлық жаймалау

Бейнені кадрлық жаймалау (Кадровая развертка изображения) — телебейнені тарату және қабылдау электрондық-сәулелік құралдарының фотокатодтарында және экрандарында электрондық сәуле тізілімді жолдар бойынша толық жаймалап шығу үшін электрондық сәулені тік бағытта, яғни жоғарыдан төмен қарай ауытқыту процесі. Кадрлық жаймалау генераторында алынған ток жүретін катушканың бойымен өткенде, оның ішінде туатын магнит өрісі арқылы Бейнені кадрлық жаймалау жүзеге асырылады. Электрондық сәуле жоғарыдан төмен қарай бір толық ауытқып болғаннан кейін келесі кадр басына оралады. Экранда жарық сызық түрінде көрінуі үшін оның оралу жолы электрондық сәуле өшіруші импульс көмегімен жабылады. Кадрлық жаймалау жиілігі бір секунд ішінде қайталанылатын кадрлар санына тең (25 кадр/с).