Степан Михайлович Бендиков

Бендиков Степан Михайлович (25.5.1907, Украина, Киев облысы, Вышгород ауданы,Высша Дубечня селосы - 6.5.1961, Ресей, Татарстан Республикасы,Зеленодол ауданые Васильев кенті) - 2-дүниежүзілік соғысқа қатысушы, капитан, кейіннен подполковник, артиллериялық полк командирі. Украина 1913 жылы Бендиковтың ата-анасы Жетісу (қазіргі Алматы облысы Сарқант ауданы) облысының Алмалы ауылына қоныс аударды. 1927- 29 жылы Түрксіб құрылысында жүмыс істеді. 1929 жылы Кеңес әскері қатарына шақырылды. 1932 жылы артиллерия училищесін бітірді. 1939-40 жылдары Кеңес-фин соғысына қатысты. Ұлы Отан соғысы басталғанда капитан Бендиков Заполярьедегі 100-атқыштар дивизиясында болды. Осы жерде ол ауыр жараланды. 1942 жылдың сәуір айынан бастап Солтүстік Кавказда 92 және 107- артиллериялык полктерді басқарды. Кубань, Ростов, Донбасс жерлерін азат етуге қатысты. Днепр, Висла, Одер өзендерінен өтетін операцияларда болды. Подполковник Бендиков Берлин операциясында ерекше көзге түсті. 1945 жылдың 16 сәуірінде өзінің полкінің жаудырған оғымен Кюстрим плацдармындағы неміс фашистерінің қорғанысын талқандады. 1945 жылдың 21 сәуірінде Берлинді алуда көрсеткен ерлігі үшін Бендиковқа КСРО Жоғарғы Кеңесі Төралқасының Жарлығымен Кеңес Одағының Батыры атағы беріліп, (31.5.1945) Ленин ордені мен «Алтын Жүлдыз» медалі тап-сырылды. Согыстан кейін 1946 жылы Жоғарғы артиллериялық офицерлік мектебі бітірді. 1946 ж. запасқа шықты. Бендиков Қызыл Ту, 2-дэрежелі Отан согысы, «Қызыл Жүлдыз» ордендерімен және медальдармен марапатталды.