Бердалы Отарұлы

Бердалы Отарұлы (1780 жылы туған – өлген жылы белгісіз) — халық батыры.

18 ғасырдың 20-жылдары жаңа қоныс іздеп, үдере көшкен Адай елінің Маңғыстау жеріне қоныстанып, біржола иеленуі үшін жанын пида еткен халық батырларының бірі Бердалы босқын елді Маңғыстаудың кең даласына орналастыру, көрші елдермен тату көршілік қатынасын орнату мәселелерін талдап шешуге көп күш жұмсады. Ол Жем бойынан Адай елінің өкілі ретінде үш бірдей батыры мен билерін қосып алып, елшілік жолға шығады. Ол кездері Маңғыстау жерінде түрікмен билеушілері дәуірлеп тұрды. Олардың Маната үстінде, Отпан шоқысында, Шерқалада арнайы сақшылар ұстады. Осы сақшылар Бердалы батырдың бітім тұлғасынан, сөз саптауынан қатты сескеніп, оны опат қылады. Бұл қиянатқа жәуміт Бектұрды ишан қатты наразылық білдірген деседі. Ақыры сол адамның ақылымен «Үшкөз» тасқабаққа Бердалыны Алланың атымен аманатқа қойған көрінеді. Бір жылдан кейін әкесі Отар тумаласы Кейкі, Атағозы батыр бастаған топ, батырды Тамдының темірқазық жағындағы тау тұмсығы Қызыладыр биігіне екінші рет (1825) жерлеген.

Шежіре

Адай Батыр – Келімберді – Мұңал батыр – Жаулы – Ескелді – Игілік – Құдайназар – Отар – Бердалы