Бектұрды ишан

Бектұрды ишан (1737 – 1807) – ишан, діни қайраткер.

Бектұрды ишан жайында түрікменнің атақты ақыны Мақтымқұлының поэзиясында кездеседі. Ол туралы халық арасында айтылатын аңыздар да жетерлік. Солардың бірінде Бектұрды ишан мен Бекет атаның замандас адамдар екендігі, медреседе бірге оқып, Пақыржан қажыдан білім алғандығы айтылады. Оқуларын бітіріп, бірі Каспий теңізінің жағалауындағы Түпқарағанда, екіншісі – Үстірт үстінде ғұмыр кешкен. Бекдұрды ишан хиуалықтардың қолына тұтқынға түскен орыс теңізшілері мен балықшыларын құтқарып, бостандыққа шығуына көп көмегін тигізген. Орыс саудагері Н.Калусов өз естелігінде:

«Түрікмен халқының атақты ұлы Бекдұрды ишанмен таныстығымыз арқылы көптеген жетістіктерге қол жеткіздік. Үндістанға баратын сауда жолының Маңғыстау арқылы өтуінің тиімді екендігіне көзімізді жеткізді. Бұрын Иран арқылы өткенде 234 күн кететін болса, Маңғыстау арқылы бару ол жолды үш есе қысқартып 84 күнде жетуге болатынын білдік»

, – деп атап көрсеткен.