Берік Серікұлы Оспанов

Берік Серікұлы Оспанов 1976 жылы 29 қаңтарда Алматы облысының Мыңбаево ауылында туған. Қазақ. Дулат тайпасы Сиқым руынан шыққан. Әкесі - Оспанов Серік Рәпілбекұлы (1949 жылы туған), қой өсіру зерттеу орталығының, мал өсіру және жем өндірісі ҚазҒЗИ директоры. Анасы - Құралбаева Алмагүл Әмірбекқызы (1952 жылы туған), жеке кәсіпкер. Қазақ мемлекеттік аграрлық университетін (1997) экономист мамандығы бойынша; Орталық Азия университетін (2005) заңгер мамандығы бойынша; АӨК экономикасы және ұйымдастырылуы ҚазҒЗИ аспирантурасын (2000); АӨКЭ және ауылдық аумақтарды дамыту ҚазҒЗИ докторантура- сын (2008) бітірген. Экономика ғылымдарының докторы (2009). Докторлық диссертациясының тақырыбы: «Қазақстан Республикасының ауылдық аумақтарының әлеуметтік-экономикалық дамуы: проблемалары мен басымдылықтары». №1004 авторлық куәлікке ие (2003). Орысжәне ағылшын тілдерін біледі. 1997 жылдың маусымынан - Алматы облысының Мыңбаев атындағы ТҚШ экономисі. 1997 жылдың желтоқсанынан - АӨК экономикасы және ұйымдастырылуы ҚазҒЗИ аспиранты. 2001 жылдан - АӨКЭ және ауылдық аумақтарды дамыту ҚазҒЗИ аға ғылыми қызметкер, бөлім меңгерушісі. 2002 жылдан - ҚР Ауыл шаруашылық министрлігінің бөлім бастығы. 2003 жылдан - АӨКЭ және ауылдық аумақтарды дамыту ҚазҒЗИ директорының орынбасары. 2004 жылдан - ҚР Ауыл шаруашылық министрлігінің Департамент директоры. 2009 жылдың ақпанынан - ҚР Ауыл шаруашылық министрлігі «Қазагроинновация» АҚ президенті. 2009 жылдың сәуірінен бері - Оңтүстік Қазақстан облысы әкімінің бірінші орынбасары. Үйленген. Жұбайы - Иманбекова Мөлдір Есіркепқызы (1983 жылы туған). Қызы - Оспанова Жансая Берікқызы (2004 жылы туған); ұлдары - Оспанов Арнұр Берікұлы (2006 жылы туған), Оспанов Бексұлтан Берікұлы (2009 жылы туған).