Болат Фазылұлы Үркімбаев

Болат Фазылұлы Үркімбаев (24 мамыр, 1952 жыл, Өзбекстан, Самарқан облысы, Катта-Қорған қаласы) - техника ғылымдарының кандидаты, профессор (2006).

Өмірбаяны

Әкесі - Үркімбаев Фазыл, марқұм, әскери қызметкер болған. Анасы - Үркімбаева Диляфруз, марқұм, үй шаруасымен айналысқан.

• Н.Э. Бауман атындағы Мәскеу жоғары техникалық училищесінің автоматтандыру және механикаландыру факультетін (1976) инженер-механик мамандығы бойынша бітірген.
• Қазақ Гуманитарлық Заң Университетін (2008) «Заң ғылымы» мамандығы бойынша бітірген.
• 1976 жылдан - Жамбыл гидромелиорация-құрылыс институтының аға дәріскері, доценті.
• 1984 жылдан – Қазақ химия-технология институтының доценті, кафедра меңгерушісі.
• 1991 жылдан - Қазақ химия-технология институтының докторанты.
• 1994 жылдан - «Шарт» ЖШС президенті; еуропалық қаржы тобының бизнес-кеңес берушісі (Англия, ОАР, Израиль, Ресей).
• 1997 жылдан - Шымкент қаласы әкімінің экономика жөніндегі кеңесшісі; «Оңтүстік Қазақстан инвестициялық орталығы» ЖШС президенті.
• 2003 жылдан бері - Түркістан облысы бойынша ҚР Мемлекеттік қызмет істері агенттігі Басқармасының бастығы. ОҚО Тәртіптік кеңесінің төрағасы (2007 жылдан).

Ғылыми жұмыстары

Техника ғылымдарының кандидаты (1982). Кандидаттық диссертациясының тақырыбы: «Тісті берілістердің қажалуын зерттеу».

• М. Әуезов атындағы ОҚМУ профессоры (2006 жылдан).
• 2 монографияның және 40-тан астам ғылыми еңбектің авторы.
• 9 авторлық куәлігі бар (1976-1991).

Марапаттары

• «Құрмет» ордені (2007);
• «Қазақстан Конституциясына 10 жыл» (2005) медалі
• «Астананың 10 жылдығы» (2008) медалі

Отбасы

• Үйленген. Жұбайы - Үркімбаева Елена Нығметқызы (1951 жылы туған), қорғаушы.
• Қыздары - Виктория (1974 жылы туған), Эльвира (1981 жылы туған).
• Немерелері - Лютфия, Болат, Ләйля.