Болотбек Төленұлы Шәмшиев

Болотбек Төленұлы Шәмшиев (12 қаңтар 1941 жылы туған, Бішкек) — қырғыз кинорежиссері, сценарийші, Қырғыз КСР-інің (1975) және КСРО-ның (1991) халық артісі.

Болотбек Төленұлы Шәмшиев
Жалпы мағлұмат
Туған күні	12 қаңтар 1941 (1941-01-12)
Туған жері	Бішкек, Қырғыз КСР
Қайтыс болған күні	20 желтоқсан 2019 (2019-12-20) (78 жас)
Азаматтығы	Қырғызстан  КСРО (1941-1991)
Мамандығы	режиссёр, сценарийші
IMDb	ID 0787913

Өмірбаяны

• 1964 жылы Мәскеу қаласындағы кинематография институтының режиссерлік факультетін (М.И. Роммның шеберханасы бойынша) бітірді.
• Кинодағы қызметін 1960 жылы актер ретінде бастады.
• 1964 жылдан “Қырғызфильм” киностудиясында режиссер ретінде қызмет етті.

Режиссерлің еңбектері

Деректі кино саласы бойынша фильмдері

• “Шопан”
• “Манасшы”

Көркем фильм саласы бойынша фильмдері

• 1968 ж. М.Әуезовтің “Қараш-қараш” атты шығармасын экрандады.
• “Ыстықкөлдің алқызыл гүлдері” (1970)
• “Ақ кеме” (1976)
• “Ерте келген тырналар”
• “Ел ішінде” (1978)
• “Қасқыр апаны” (1984) секілді көркем фильмдерді қойып, қырғыз кино өнерінің дамуына елеулі үлес қосты. Кең тыныстылық, кейіпкерлер мінезінің қат-қабат сырын ашу, қарапайым өмір мәселелерінен ең күрделі әлеуметтік-философиялық ой түю — оның қойған фильмдеріне тән қасиет.

Сценарийлері

Ол сонымен бірге фильм сценарийлерін жазуға да қатысты.

Марапаттары

• Қырғызстан Ленин комсомолы сыйлығы (1969)
• КСРО Мемлекеттік сыйлығы (1977).
• 2 рет “Құрмет белгісі” ордені
• бірнеше медальдармен марапатталған.