Степан Николаевич Борозенец

Степан Николаевич Борозенец (20.8.1922 ж.т.,Шығыс Қазақстан облысы Ұлан ауданы Ақтөбе ауылы) - 2-дүниежүзілік соғысқа қатыеушы, лейтенант, әуеден шабуылдаушы полктің командирі. 1941 жылы Кеңес әскері қатарына шақырылды. 1943 жылы Орынбор әскери-әуе мектебін бітіріп, сол жерде нұсқаушы болып жұмыс істеді. 1944 жылы 1- және 2-Беларусь майдандарында ұрысқа қатысты. 1944 жылдың 24 маусымында өзіне жүктелген алғашқы жауынгерлік тапсырмамен жаудың екі зеңбірегін, 2 автокөлігі мен зениттік батареясын жойды. 569-шабуылдаушы әуе полкінің звено командирі Борозенец 94 рет жауынгерлік тапсырманы орындады. Ол Бобруйск қаласы маңындағы (Беларусь) шайқаста жау бекінісіндегі бір топ әскерді жойды. Ал Данциг-Гдынь операциясында (Польша) Борозенец 3 танк, 6 паровоз, 120-ға жуық вагон, 84 автокөлікті жойып, 36 зениттік және дала артиллериясының үнін өшірді. Сонымен қатар жанармай мен қару-жарақ сақталған 10 қойманың күлін көкке ұшырып, 250-ден астам әскер мен офицерді жойды. Осындай ерлігі үшін Борозенецке КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (18.08.1945). 1956 жылы Борозенец Әскери-әуе академиясын бітірді. 1976 жылы Борозенец запасқа шьщты. Харьков қаласында (Украина) тұрды. Ленин, Қызыл Ту, 2-дәрежелі Отан соғысы, 2 рет «Қызыл Жұлдыз» ордендерімен, «КСРО Қарулы Күштерінде Отанға қызмет еткені үшін», т.б. медальдармен марапатталған.