Бор қышқылы

Бор қышқылы, ортобор қышқылы, (Н₃ВО₃) — анорганикалық үш негізді әлсіз қышқыл, ақ кристалл зат. Ол ыстық суда, спирт және т.б. органикалық еріткіштерде ериді. Бор қышқылын қыздырған кезде, оның құрамынан су бөлініп шығып, әуелі метабор қышқылына (НВО₂), содан кейін бор ангидридіне (В₂О₃) айналады. Бор қышқылын оның табиғи тұздарын өңдеу арқылы алады. Мысалы, натрийдің тетраборатының (бураның — Na₂B₄O₇Һ10Н₂O) ыстық ерітіндісін күкірт қышқылымен әрекеттестіріп алуға болады. Ерітіндіні салқындатып, Бор қышқылы кристалдарын бөліп алады. Бор қышқылы бояу алуда, қағаз шығару, тері өңдеу өндірістерінде, дәрі-дәрмек жасауда қолданылады.

Дереккөздер

«Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл, ISBN 5-89800-123-9, II том