Брахманшылдық
Брахманшылдық — Үндістандағы діни касталардың бірі — брахмандар ұстанатын сенімдердің ғылыми атауы. Брахманшылдыққа тән сипат — көп құдайлар мен ата-бабаға сиыну. Басты құдайлары: әлемді жасаған және оның бейнесі болып табылатын Брахма, табиғаттың жасампаз күштерінің бейнесі іспеттес қайырымды Вишну, қаїарлы Шива. Брахманшылдықтың негізінде табиғаттың жаны бар және тірінің бәрі өлгеннен кейін өзгеше бір жан иесі болып қайта тіріледі деген түсінік жатыр. Ол түсінік бойынша, адам қайта тірілгенде өткен өміріндегі жақсы ісіне қарай қоғамда неғұрлым жоғары орынға ие болады немесе аспан тұрғынына айналады, жаман ісіне қарай қоғамда төменгі орынға ие болады немесе жануарға не өсімдікке айналады. Брахманшылдық Буддашылдықпен бәсекелесе отырып және оның ықпалымен б.з. 1-мыңжылдығында жаңғырып, индуизмге негіз болды.
Дереккөздер
өңдеу«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, II том
| Бұл мақаланы Уикипедия сапа талаптарына лайықты болуы үшін уикилендіру қажет. |
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |