Бурак

Бурак (арабша — ұшқыр, пырақ) — діни аңыздарда Мұхаммед пайғамбар мінген қанатты тұлпар.

Бурак ақ түсті, ұзын құлақты, аяғында қанаты бар, түгі жылтыраған жануар түрінде суреттеледі. Кейбір ортағасырлық деректерде ол қанатты адам бейнесіндегі ат. Бурак кірпік қаққанша Мұхаммедті Меккеден Иерусалимдегі әл-Масжид әл-Аксаға жеткізіп, содан соң аспанға (әл-исра уә-л мираджға) алып кетеді. Буракқа салт мініп, көкте ұшып бара жатқан пайғамбар — орта ғасырлардан бүгінгі күнге дейінгі кітаби кескіндемелерде ең көп тараған сюжет.