Бірлескен меншік
Бірлескен меншік — ортақ меншіктің бір түрі, мұнда меншік иелерінің үлестері белгіленбейді. Егер өзара келісімде өзгеше көзделмесе, Бірлескен меншікке қатысушылар ортақ мүлікті бірлесе иеленіп пайдаланады. ҚР Азаматтық кодексінің 20-бабында арнайы мәмілені қайсысы жасағанына қарамастан, Бірлескен меншіктегі мүлікке билік ету барлық қатысушының келісімімен жүзеге асырылатыны көзделген. Егер келісімде басқаша көзделмесе, Бірлескен меншікке қатысушылардың кез келгені ортақ мүлікке билік ету жөнінде мәміле жасауға қақылы. ҚР Азаматтық кодексіне сәйкес ортақ мүлікті иеленушілер арасында бөліске салу немесе әрқайсысының үлесін бөліп шығару олардың Бірлескен меншіктегі үлесі алдын ала анықталған реттерде ғана жүзеге асырылады. Егер арнаулы құжаттарда алдын ала көрсетілмесе, онда Бірлескен меншікке қатысушы тараптардың ортақ мүлікте үлестері жоқ болып есептеледі. Әдетте, Бірлескен меншіктің мынандай түрлері: ерлі-зайыптылардың, шаруа қожалықтарының, сондай-ақ, жекешелендірілген үйдегі тұрғындардың ортақ меншіктері болуы мүмкін. [1]
Дереккөздер
өңдеу- ↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл, ISBN 5-89800-123-9, II том
| Бұл мақаланы Уикипедия сапа талаптарына лайықты болуы үшін уикилендіру қажет. |
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |