Бірімжанов атындағы көше (Алматы)

Көшегө қоғам қайраткері, Қазақстанда ғана емес, әлемдік химия ғылымының дамуына зор үлес қосқан білімпаз тұлға, химия ғылымдарының докторы, профессор. Қазақ КСР Ұлттық Ғылым академиясының корреспондент-мүшесі Батырбек Бірімжановтың есімі (Алматы қаласы мәслихаттың 24.12.2003 № 26 шешімі мен Алматы қаласы әкімшілігінің 26.12.2003 № 5/764 қаулысы) берілген. Бірімжанов Батырбек (1911-1985) Орынбор қаласында дүниеге келген. Ұзақ жылдар ҚазҰМУ-дің химия факультетінде кафедра меңгерушісі, декан қызметтерін атқарған. Химия саласында әлемдік маңызы бар жаңалықтар ашқан ғалым-зерттеуші.

Көше Әуезов ауданындағы «Таугүл-3» шағынауданында орналасқан. Жандосов көшесінен басталып, Кәрменов көшесіне дейін созылып жатыр. Кешенің ұзындығы - 600 метр.