Бүкең Жиреншеұлы

Бүкең Жиреншеұлы-(т.-ө. ж. б.), Әуезовтің корреспонденті. «Абай жолы» эпопеясына дерек берген адам. Оның айтқандарын Әуезов романда кеңінен пайдаланды. Мысалға, Абайдың Абылғазы мен Тұрғанбай, Бәшей мен Ербол, Бөжейдің Жабай мен Жиреншелердің салбурында болуы суреттелетін әңгімелерді осы Бүкеңнен естіген. Оның әңгімелеуінен аңшылық құрғандардың психологиялық сәттері мен мінез-қылықтары, пішін, кескіндері дәл көрінеді. Жабайды: «Насыбай иіскеп отыратын кер, асқақ кісі". "Әділ кіші шешесінің баласы. Қарашегір түлкіні басып жатқанда, Әділ бетін қайырмай тұрады". «Түлкіні байлап ал, көн етіктің ұжанындай болған ұртыңды ұрайын» деп ауылға қайырды» дегені Жиреншенің осында Абайларды қылжақ еткен мінезі, Балбалаға барған Базаралыны Бесбесбайлардың ұстап алып сабап, шешіндіріп, өгізге мінгіздіріп жібергені, Құнанбайдың ат қосатыны және оған сын айтқыштығы туралы әңгімелерді Бүкең айтуында жазып алған (№29- папка, 148-бет).