Бүркеніш ішперде

Бүркеніш ішперде (peri-tonaeum viscerale; грек, peritonaeum — ішперде; лат. vis- ceralis — ішкі) — құрсақ және жамбас қуысының алдыңғы бөлігіндегі ішкі мүшелерді сыртынан қаптайтын сірлі қабық. Бүркеніш ішперде екі қабаттан: сыртқы — мезотелийден (бірқабатты жалпақ эпителий) және ішкі — жұқа борпылдақ дәнекер ұлпалы қабаттан тұрады. Бүркеніш ішперде құрсақ қуысына өзінен сірлі сұйық бөліп, ішкі мүшелердің бір-бірімен еш кедергісіз сырғанай қозғалысын қамтамасыз етумен қатар, қорғаныс қызметін де атқарады. Бүркеніш ішпердеден құрсақ қуысындагы ішкі мүшелерді өзара байланыстырып тұратын сірлі қабық туындылары - шажырқайлар, үлкен және кіші шарбылар, байламдар, қатпарлар және үңгілер дамиды.