Бұзықтөбе суландыру каналы

Бұзықтөбе суландыру каналы, Отырар ауданы, Ақтөбе бөлімшесінің шығысында 3 км жерде. 1988 жылы Отырар мемлекеттік археологиялық қорық-музейінің қызметкерлері анықтаған. Канал қалашық тұрғындарын және оның төңірегіндегі қоныс-жайларды сумен қамтамасыз еткен. Жалпы ұзындығы 2,3 км. Арнасының ені 1,5—3 м аралығында, шетіндегі үйінді биіктігі 1—1,5 м. Каналдан тартылып, бірнеше жаққа бағытталған арық жолдары анықталған. Арнайы бегеттер орны табылмады. Төңірегінен бақша, егістік алқаптар орны байқалады, құрылысы мен табылған заттарға қарағанда каналдарды халық 6—15 ғасырларда пайдаланған.