Бұлттар мен тұмандардың сулылығы

Бұлттар мен тұмандардың сулылығы — бұлттар мен тұмандар түзетін судың жеке көлеміндегі (абсолют сулылығы) бұлт тамшылары мен мұз кристалдарының массасы. Өлшем бірлігі: т/м және г/кг. Бұлттардың сулылығы оның биіктік бойынша таралуы мен уақыт ішінде өзгеруі атмосферадағы жылу мен ылғалдың тасымалды процесіне байланысты. Бұлт сулылығының ең маңызды параметріне ауа температурасы, оның вертикаль градиенті, вертикаль қозғалысының жылдамдығы, турбуленттік алмасуының қарқындылығы жатады. Бұлттың сулылығы төменгі және жоғарғы шекараларында нөлге тең болады да, бұлт ішінде өзінің ең көп мөлшеріне жетеді.