Бұлқышев атындағы көше (Алматы)

Көшеге көрнекті жазушы, жалынды публицист, Ұлы Отан соғысы жылдарында қаруымен де, қаламымен де ел қорғаған батыр Баубек Бұлқышевтың есімі (Алматы қаласы мәслихаты мен Алматы қаласы әкімінің 20.03.2000 № 279 қаулысы) берілген. Баубек Бұлқышевтың (1916-1944) «Өмір сүргім келеді»,»«Адамзатқа хат», «Шығыс ұлына хат» атты шағын жанрдағы шығармалары шынайылығымен ерекшеленеді. Олар Ұлы Отан соғысы кезінде жауынгерлерді рухтандырып отырған. «Алматы - менің туған қалам» деген бітпей қалған романы және «Айсұлу» деген поэмасы бар.

Көше Жетісу ауданында орналасқан. Қазыбаев көшесінен басталып Сейфуллин даңғылына дейін созылып жатыр. Көшенің ұзындығы - 500 метр.