Бұрыш (тамақ)

Бұрыш(тамақ) — Тропиктік Америка мен муссондық Шығыс-Азияда өсетін бұта және шөптесін өсімдік туысы. 700-дей түрі бар. Ас пісіруге қара, ақ, хош иісті қалампыр бұрышы және ұнтақталған қызыл бұрыш қолданылады. Қара және ақ бұрыш — бұрыш тұқымдас тропиктік өсімдіктердің кептірілген жемісі. Қара бұрыш алу үшін жемісті піспеген кезіңде ағаш басынан алып кептіреді, ал ақ бұрыш алу үшін жемісті толық піскен кезде алады. Бұлар бір-бірінен ащылығы, иісінің өткірлігі және дәмдері жағынан ерекшеленеді. Қара бұрыштың дәмі ащы, өте өткір хош иісі бар. Тағамға жемісін бүтіндей немесе ұнталған күйінде пайдаланады. Қалампыр бұрышы — мирта тұқымдас тропикалық өсімдіктердің шала піскен жемісі. Сыртқы түрі қара бүрышқа ұқсас, ал түйірі ірірек болады. Сыртқы беті жылтыр, қарақоңыр түсті. Тағамға жемісін бүтіндей немесе ұнтақталған күйінде пайдаланады.