Бұғылы (тау, Қарағанды облысы)

Бұғылы – Сарыарқаның орта тұсындағы тау.

Бұғылы таулары
Сипаттамасы
Тау жүйесі	Сарыарқа
Пайда болған кезеңі	Тас көмір
Ұзындығы	40 км
Ені	15 км
Ең биік шыңы	Бүркіт тауы
Биіктігі	1187 м
Орналасуы
49°00′06″ с. е. 73°04′33″ ш. б.49.00167° с. е. 73.07583° ш. б. / 49.00167; 73.07583
Елдер	Қазақстан, Қарағанды облысы Шет ауданы
Бұғылы таулары
Бұғылы таулары

Географиялық орны

Қарағанды облысы Шет ауданында, Сәкен Сейфуллин кентінің солтүстік-шығысында орналасқан. Абсолюттiк биіктігі 1187 м (Бүркіт тауы). Тау оңтүстік-батыстан солтүстік-шығысқа қарай 40 км-ге созылған, ендірек жері 15 км.

Жер бедері

Шығысында Шерубайнұра өзені ағып өтеді. Беткейлері қатты тілімденген.

Геологиялық құрылымы

Орта және жоғарғы тас көмір дәуірінің гранитоидты жыныстарынан түзілген.

Өсімдігі

Батыс бөлігінде таулы жердің қиыршықтасты сұр, шығысында ақшыл қоңыр топырағы қалыптасқан. Мұнда тобылғы, қараған, жусан, селеу, т.б. шөптер өседі, таудың солтүстік етегінде бұталы тоғай кездеседі.