Бәйдібек кесенесі

Бәйдібек кесенесі – Түркістан облысының жергілікті маңызы бар тарих және мәдениет ескерткіштері тізіміне енген сәулет өнері ескерткіші. Қасиетті бес ана - тарихи ескерткіштер кешенінің құрамдас бөлігі.

Бәйдібек кесенесі
Жалпы мәлімет
Статусы	Түркістан облысының жергілікті маңызы бар тарих және мәдениет ескерткіші
Түрі	киелі нысан
Сәулет стилі	қала құрылысы және сәулет
Орналасуы	Түркістан облысы
Мекен жайы	Бәйдібек ауданы
Жөнделген уақыты	1996-1998 жылдары
Биіктігі
Төбесі	күмбезді
Дизайны мен құрылымы
Сәулетшісі	Ғ. Садырбаев.

Орналасқан жері

Бәйдібек ауданы, Бәйдібек ата ауылының орталығында, Балабөген өзенінің жоғарғы жағасында орналасқан.

Деректер

"Бәйдібек-Сыланды" қайырымдылық қорының (президенті Қазақстанның еңбек сіңірген қайраткері, жазушы Е. Тұрысов) ұйымдастыруымен 1996-98 жылдары Бәйдібек ата мен қасиетті бес ана – Марау (Сары бәйбіше), Зеріп, Жұпар, Қарашаш, Сыландының мазар-кесенелері орнына шығыс сәулет өнерінің үлгісінде орнатылды. Бас архитекторы - Ғ. Садырбаев.

Сипаты

Бәйдібек кесенесі құрылысына Орта Азия мен Оңтүстік Қазақстанда өндірілетін таңдаулы құрылыс материалдары – Ташкент зауыттарының арнаулы сары кірпіші, Нұратаның ақшыл мәрмәрi, Тараз бен Қаратаудың қызыл граниттері, Қошқарата қатпарлы тау жыныстарының табиғи тақтатастары пайдаланылды. Бәйдібек кесенесін салуға Самарқанд, Ташкент, Сайрам, Шымкент шеберлері қатысты. Бәйдібек кесенесінің биік күмбезбен көмкерілген ғибадат бөлмесіне Қазақстан Президенті Н.Ә. Назарбаев ұлы баба рухына арнап, салмағы 6 т. бесік мүсінді ақ мәрмәр құлпытас қойған.