Қасым Бөдеев

(Бөдеев Қасым бетінен бағытталды)

Бөдеев Қасым (1900 жылы туған, қазіргі Қарағанды облыстық Байқоңыр ауданы) — Қазақстанның еңбек ардагері, Социалистік еңбек ері (1966). Қыпшақ тайпасы Ұзын руынын Алтыбас бұтағынан шыққан.

1932 жылдан Тереңөзек ауданы Амангелді атындағы ұжымшарда күрішші, 1952 жылдан күрішшілер звеносын басқарды.

1966 жылы Бөдеев звеносы 20 гектар егістіктен 107,6 ц астық жинаған. Ленин орденімен марапатталған (1956).[1]

1930 жылдың жылдың көктемінде Балталы найман Рахметтің қызы Күнбаламен отау тіккен. 1930 жылы елді жайпаған аштық басталғанда, кіндік қаны тамған жерін тастап, Cыр бойына қоныс аударған. Қызылорда облысы Тереңөзек ауданындағы «Еңбек» ұжымшарына қабылданып, қызу еңбекке араласады. Бүгінде де өз маңызын жоғалтпаған атақты Қалжан ахун мешіті жанынан Алтыбастарға жер алып, бір-бірінен алыстамай орналасады.

Алғашқы күндерден ақ қажырлы еңбегі еленіп, 1932 жылдың басында аудан хатшылығының шешімімен Аманкелді ұжымшарына біріккен Еңбек, Аманкелді және Каганович ұжымшарларын басқарды. Осы кезеңнен бастап бар өмірі диханшылықпен өтіп, адал еңбекпен халық марапатына ие болды.

Қасым Бөдеев жайлы мұрағатта «Сонау 1932 жылдан еңбек жолын Сыр өңірінде диханшылықпен бастаған Қасекең өмірінің соңына дейін күріш даласында болды. 1952 жылдан бастап ол колхозда звено басқарды. 1956 жылы Қасым Бөдеев басқарған звено 40 гектар күріштің әр гектарынан 51 центнерден өнім жинап, еңбектегі зор табысы үшін Ленин орденімен марапатталды» делінген.

Жер инженерлік жүйеге келтірілмеген, тегістелмеген, негізі қару кетпен болып табылатын, 60-жж. гектарынан 107,6 центнерден өнім алып отырған. Одаққа аты шыққан Ы.Жақаевтың ізбасарларының бірі атанған.

Ұзақ жылдарғы еңбегі мен рекордтық өнімдері ескеріліп, 1966 жылдың 26-шы маусымында КСРО Жоғарғы Кеңесі Президиумының шешімімен Бөдеев Қасымға Социалистік Еңбек Ері атағы берілді.

Социалистік Еңбек Ері, екі мәрте Ленин ордені, Октябрь революциясы медалінің, төсбелгілер мен мақтау қағаздардың иегері.

Бір қыз, бір ұл тәрбиелеп өсірді. Қызы Бөдеева Гүлжахан (1938 ж. туған) 12 бала тәрбиелеп өсірген ана.

Ұлы Бөдеев Тұрым (1947-1997жж.) әкесі еңбек еткен ұжымда ұзақ жылдар есепші болып қызмет атқарды. Бес бала тәрбиелеп өсіріп, немере, шөбере сүйді. Тұрымның отбасында спорт шебері (бокс), екі ғылым кандидаты (биология), бір ғылым магистрі (тарих) бар.

Дереккөздер өңдеу

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9