Валентин Александрович Григорьев

Валентин Александрович Григорьев (1937-90) - суретші. Қондырғылы және кітап графикасы, плакат, экслибрис саласында жұмыс істеген.

Абайдың Семейдегі республикалық әдеби-мемориалдық мұражайы (қаз. Абайдың мемлекеттік қорық мұражайы) үшін плакат жарнама (1971, қағаз, тушь, қаламұш; көп данамен шығарылған) және мұражайдың жол көрсеткіш кітапшысының Абай портреті бейнеленген мұқабасын (1971, қағаз, линогравюра, кеп данамен шығарылған) жасаған. Абайдың 125 жылдық мерейтойына арналған альбом үшін ақынның «Қансонарда бүркітші шығады аңға» деген өлеңіне сурет салған (1971, қағаз, линогравюра, Респ. ұлттық кітапханасында). Осы мерейтой үшін Григорьев шақыру билетінің үлгісі мен жарнамасын жасап және Республикалық көркемсурет көрмесі каталогінің мұқабасын көркемдеген (1971, қағаз, аралас техн., кеп данамен шығарылған). Жоғарыда аталған кермеге Абай шығармашылығының мәңгілік екенін паш ететін «Уақыт» деген жұмысымен қатысқан (1971, қағаз, автолитографика, суретшінің отбасы меншігінде).