Валерий Алексеевич Доскалов

Валерий Алексеевич Доскалов (24 маусымд,1944 жыл, РКФСР Архангельск облысы Вельск қаласында туған) - Алтай ауданының әкімі (1993-2003). Орыс.

Валерий Алексеевич Доскалов

Әкесі - Доскалов Апексей Пахомович, марқұм, Ұлы Отан Соғысының ардагері. Анасы - Доскалова Софья Әлиқызы, марқұм.

Шымкент политехникалық техникумын (1969 техник-электрик мамандығы бойынша; В.И. Ленин атындағы Қазақ политехникалық институтын (1971) тау-кен инженері-электрик мамандығы бойынша; Шығыс Қазақстан мемлекеттік университетінің құқықтану факультетін заңгер мамандығы бойынша (1996) бітірген.

1964 жылдан - Зырян қорғасын комбинатының 5-ші разрядты электрик-слесарі. 1965 жылдан - Зырян қорғасын комбинаты комсомол комитетінің хатшысы, электр слесары, цех энергетигі, бетон зауытының шебері, ОКСА техникалық қадағалау инженері, жабдықтар бөлімінің бастығы, комбинат директорының күрделі құрылыс жөніндегі орынбасары. 1991 жылдан - Алтай ауданы қалалық атқару комитетінің төрағасы. 1993 жылдан - Алтай ауданының әкімшілік басшысы, әкімі. 2003 жылдың ақпанынан - ҚР Табиғи монополияларды реттеу және бәсекелестікті қорғау агенттігі Шығыс Қазақстан облыстық департаментінің директоры. 2004 жылдың қазанынан - ҚР Парламенті Мәжілісі 3-ші шақырылымының депутаты (ШҚО №27 сайлау округі). 2007 жылдан бері - ҚР Парламенті Мәжілісі 4-ші шақырылымының депутаты («Нұр Отан» ХДП партиялық тізімі бойынша), Экономикалық реформа және өңірлік даму комитетінің мүшесі.

«Құрмет» орденімен (2007); «Еңбек ардагері», «Астана» (1998), «Қазақстан Республикасының тәуелсіздігіне 10 жыл» (2001), «Қазақстан Конституциясына 10жыл» (2005), «Қазақстан Парламентіне 10 жыл» (2006), «Астананың 10 жылдығы» (2008), «ҚР Қарулы күштеріне 10 жыл» медальдарымен; Шығыс Қазақстан облысы әкімінің, ҚР 11М құрмет грамоталарымен марапатталған. ШҚО Алтай ауданының Құрметті азаматы.

Үйленген. Жұбайы - Доскалова Нина Ивановна (1948 жылы туған). Ұлы - Михаил (1970 жылы туған); қызы - Ольга (1974 жылы туған).[1]

ДереккөздерӨңдеу

  1. Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2