Вальпургий түні

Вальпургий түні (1 мамырға қараған түн) — герман тайпаларының көктемнің келуіне арналған көне мейрамы.

VIII ғасырдағы аңыз бойынша, Германиядағы Броккен тауында болған жезтырнақтар (“ұлан асыр жезтырнақ”) мейрамы. Кейіннен католик дінінің қасиетті адамы Вальпургиді еске түсіру уақытымен (1 мамыр) дәл келгендіктен Вальпургий түні деп аталған. Бұл тақырыпта көптеген әдеби және музыкалық шығармалар (И.Гетенің “Фауст”, Ш.Гуноның осы аттас операсы, Г.Гейненің “Жол суреттері” шығармасы, т.б.) жазылған.