Валюталық алып-сатарлық

Валюталық алып-сатарлық / валютамен алыпсатарлық - банкілердің, дилерлердің, кәсіпкерлердің, азаматтардың валюта нарығында валюта бағамын өзгертуден пайда алуды көздейтін қызметі; валюта тәуекелін әдейі қабылдау. He ашық валюта жайғасымының пайда болуына апарып соқтыратын валюта операцияларын жасау жолымен (мысалы, мерзімдік мәміле, форвардтық өтеусіз пайыздық арбитраж), не валюта тәуекелін сақтандыру жөніндегі валюта операцияларын қасақана жасамау жолымен (мысалы, сауда фирмасының хеджирлеуден бас тартуы, т. б.) жүзеге асырылады. Валюталық алып-сатарлық түрі — валюта бағамы төмендейді деген үмітпен оның төмендеуіне ойнау және валюта бағамының жоғарылауы үрдісі кезінде оның жоғарылауына ойнау. Төмендетушілер ("аюлар") бағам төмендеген жағдайда алып-сатарлық пайда алуға үміттеніп, валю- таны ағымдағы бағаммен сатады. Жоғарылатушылар ("бұқалар") бағам жоғарылайды деген болжаммен валютаны неғұрлым жоғары бағамен сату жолымен бағамдық айырмадан пайда алуға үміттеніп, оны сатып алады.