Валюталық ескертпе
Валюталық ескертпе - несиегер мен экспортшыны өзара шарт жасасылған сәттен бастап оның төленген сәтіне дейін төлем валютасы бағамының құлдырауы қатерінен сақтандыру үшін халықаралық өзара шарттардың (несие, төлем, сауда шарттарының) міндетті талабы. Валюталық ескертпе - валюталық тәуекелді шектеудің және алдын алудың неғұрлым кең тараған формаларының бірі, оны қолданғанда келісім-шартқа уағдаласқан төлем валютасы басқа, әдетте, салыстырмалы түрде тұрақты валютаға тәуелді жағдайға қойылады.[1] Валюталық ескертпенің екі түрі қолданылады: тауардың бағасы (несиенің сомасы) туралы келісімге мәмілелік валюта ретінде тұрақты валютаны енгізу (бағам төмендеген кезде төлем валютасымен есептелетін жалпы құн тиісінше артады); төлем валютасының бағамы мәміле валютасының бағамымен салыстырғанда қалай өзгерсе, тауар бағасының (несие сомасының) өзгеруі туралы талап та сондай үйлесімде енгізіледі.[2]
Дереккөздер өңдеу
- ↑ Банк терминдері мен ұғымдарының қазақша-орысша сөздігі. / Ғ. Сейіткасымов, Б. Бейсенғалиев, Ж. Бекболатұлы — Алматы: Экономика, 2006. ISBN 9965-783-20-9
- ↑ Қаржы-экономика сөздігі. — Алматы: ҚР Білім жэне ғылым министрлігінің Экономика институты, «Зияткер» ЖШС, 2007. ISBN 978-601-215-003-2
| Бұл мақаланы Уикипедия сапа талаптарына лайықты болуы үшін уикилендіру қажет. |
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
|
Бұл — экономика бойынша мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. |