Венера Нығматулина

Венера Ибрагимқызы Нығматулина (1962 жылы 10 тамызда Алматыда туған) — танымал кино актриса. Қазақстанның еңбек сіңірген қайраткері (2013). Кино өнері мамандығы бойынша Философия ғылымдарының докторы (2007 жылдан).

Венера Ибрагимқызы Нығматулина
Жалпы мағлұмат
Туған күні	10 тамыз 1962 (1962-08-10) (62 жас)
Туған жері	Алматы
Азаматтығы	КСРО  Қазақ КСР  Қазақстан
Мамандығы	актриса кинопродюсер тележүргізуші кинорежиссер сценарист
Белсенді жылдары	1979 жыл - осы уақыт
Бағыты	драма, мелодрама
Марапаттары	Құрмет ордені Қазақстанның еңбек сіңірген қайраткері

Толығырақ

• Венера Ибрагимқызы 1962 жылы 10 тамызда Алматыда дүниеге келген.
• Әкесі - Ибрагимов Махмұд Жүсіпұлы (1938 жылы туған), зейнеткер.
• Анасы - Ибрагимова Жанат (1938 жылы туған), зейнеткер.
• 1990 жылы Ташкент мемлекеттік көркем-театр институтының режиссерлік факультетін "театр және кино режиссері" мамандығы бойынша бітірген.
• Орыс және ағылшын тілдерін біледі.
• 2002 жылдан «Шәкен Жұлдыздары» продюсерлік орталығы ЖШС бас директоры әрі («Звезды Шакена») Алматы халықаралық кино байқауының бас директоры.
• 2000 - 2002 жылдары Қазақстан Кинематографистер одағының вице-президенті.
• КСРО және Қазақстан Кинематографистер одағының мүшесі (1987 жылдан).
• 2003 жылдан ҚР-да кино өнімін іріктеу және шығару жөніндегі сараптамалық-өндірістік комиссияның мүшесі.
• 2003 жылдан ҚР Спорт және туризм агенттігтері мен Халықаралық спорт ойындары шектерінде ұйымдастырылған спорт жайлы фильмдер байқауы қазылар алқасының төрайымы.

Кино рөлдері

• 1979 жылы Ш.Бейсембаевтың «Невозможные дети» - Айгүл;
• 1979 жылы Б.Шмановтың «Невеста для брата»
• 1980 жылы Д.Манабаевтың «Родные степи»
• 1981 жылы В.Пусурмановтың «Прощай, красавица»
• 1981 жылы М.Үбікеевтің «Провинциялық роман» - Гуля («Қырғызфильм»,1981);
• 1982 жылы Э.Ешмухамедовтың «Қысқы тұмандар уақыты» («Тәжікфильм», 1982);
• 1981 жылы Г.Базаровтың «Бөтеннің бесі» - мұғалім Нәсиба Кәрімқызы («Өзбекфильм», 1981);
• 1982 жылы Б.Шәмшиевтің «Қасқырдың апаны» - Мариям («Қырғызфильм», 1982);
• 1987 жылы Д.Соданбектің «Гибель во имя рождения»
• 1987 жылы Б.Радждың «Нокдаун» («Қырғызфильм»)
• 1987 жылы С. Нарымбетовтың «Зять из провинции» («Қазақфильм»);
• 1988 жылы М.Үбікеевтың ; «Той» («Қырғызфильм»);
• 1989 жылы М.Ага-Мирзаевтың «Бәріміз де шамалы атпыз» («Өзбекфильм»);
• 1991 жылы Б.Омаровтың «Восточный коридор или рэкет по...» («Өркен фильм»);
• 1992 жылы Ж. Серікбаевтың «Өмір - Әйел» («Фортуна-фильм») фильмдері;
• 1996 - 2000 жылдары «Перекресток» телехикасы - Мәдина Омарова.
• «Программа 24», «Қазақстан кинематографистерінің шығармашылық портреттері», «Я Вам пишу...» телебағдарламаларының продюсері, сценарийінің авторы, жүргізушісі.
• Толық метражды «Кімсіз, Ка мырза?» ойын фильмінің («Қазақфильм», 2009) продюсері.
• «Ощущение предвкушения» («Қазақфильм») деректі фильмінің сценарий авторы және режиссері.

Марапаттары

• 1987 жылы КСРО Киноматографистер Одағының мүшесі
• 2001 жылы "ҚР тәуелсіздігіне - 10 жыл" медальі
• 2007 жылдан «Кино өнері» мамандығы бойынша философия ғылымдарының докторы.
• 2008 жылы Елбасының жарлығымен "Құрмет ордені" мен марапатталған.
• 2013 жылы ҚРтұңғыш президенті - елбасы Н.Ә.Назарбаевтың өз қолынан "Қазақстанның еңбек сіңірген қайраткері" құрметті атағымен марапатталды.

Жеке қасиеттері

• Діни көзқарасы - «Діндар емес, бірақ ортақ жасампаз бастаудың бар екендігіне сенетін адам».
• Саяси қайраткер ретіндегі идеалы - «Идеалды саяси қайраткер саяси техника генийі, тәжірибесі бар, осы тәжірибені саралау үшін қажетті әмбебап санасы және оны қолдану үшін күш-қуаты бар шебер әртіс болуы тиіс».
• Қазақстанның болашағы туралы болжамы - «АІеа jacta est - Spero meliora».
• Хоббиі - кітап оқу, фильмдер көру, ән айту.
• Сүйіп оқитын әдебиеті - өз-өзін жетілдіру бойынша әдістемелік әдебиет.
• Қызы - Нығматулина Линда; ұлдары - Эльдар, Альтаир.