Венеция мектебі

Венеция Мектебі — әлемдік көркемсурет өнерінің басты орталықтарының бірі. Оның өкілдері бояумен сурет салудың тәсілін биік дәрежеге көтерді. Негізінен, тарихи және сәндік кескіндеме, портреттер, табиғат көріністері басты орын алды. В. м. өнерінің өркендеуі 15 ғ-дың орта шенінен басталады. Оны Джентиле, Джованни Беллинилер, Витторе Карпаччо бастады. Олар діни аңыздар мен мифол. тақырыптарға құрылған және ақсүйектердің өмірін бейнелейтін суреттер салды. В. м. өнерінің өркендеуін Джорджоне, Тициан, Веронезе Тинтореттолар жалғастырды. 17 ғ-да уақытша құлдырап, 18 ғ-да Венеция сурет өнері қайта өрледі.

ДереккөздерӨңдеу

""Қазақ Энциклопедиясы"", ІІ том