Виймси (түбек)
Виймси (эст. Viimsi poolsaar) — Эстонияның солтүстігіндегі түбек.
| Виймси эст. Viimsi poolsaar | |
 | |
| Сипаттамасы | |
|---|---|
| Ауданы | 50 км² |
| Орналасуы | |
| 59°31′ с. е. 24°49′ ш. б. / 59.517° с. е. 24.817° ш. б. (G) (O) (Я)Координаттар: 59°31′ с. е. 24°49′ ш. б. / 59.517° с. е. 24.817° ш. б. (G) (O) (Я) | |
| Акватория | Балтық теңізі |
| Ел |  Эстония |
Сипаттама
өңдеуВиймси түбегі Эстонияның солтүстігінде, Харьюмаа уезінде орналасқан. Таллинн қаласының жақын маңында. Түбектің ауданы шамамен 50 шаршы шақырымды құрайды. Ұзындығы – 110 шақырым, ені – 50 шақырым.
Түбек пен жақын маңдағы бірқатар аралдар Виймси әкімшілігін құрайды. Оның құрамына Найссаар, Прангли, Экси, Тийрлооди, Кери, Крясули, Сейнакари, Кумбли, Пандью, Вулликрунн, Силликрунн, Сепакари, Ханекари, Лоокари және Ланесаар аралдары кіреді. Олардың басым көпшілігінде адам тұрмайды. Аралдар құстардың ұя салатын орындары ретінде белгілі.
Түбек аласа жартасты жағалаумен, шағылдары мен жағажайы көптеген жартастармен тілімденген, түбектің ортасы ормандармен жабылған, ал батысында - фин табиғатына тән қарағайлы ормандар, батпақтар мен тоғайлар бар.[1]
Тарихы
өңдеуIII және IV ғасырларға жататын ең көне археологиялық деректер Пярну төбесіндегі көне қабірлерді қазу кезінде табылды. Виймси туралы ең ерте жазбаша ескертпе 1241 жылдан басталады, дәл сол кезде «Даниялық жер салығы» (Liber Census Daniæ) анықтамалығында Үлкен Эстония (Suures Eestimaa), Ревала приходы бөлімінде алғаш рет Уайнра (Вианра, Виама деп аталады) туралы айтылған.
1219 жылы жергілікті халықты дат басқыншылары шоқындырды. 1919 жылы 26 қаңтарда жалпыхалықтық дауыс беру арқылы және Уақытша үкімет министрлігінің рұқсатымен Виймси болысы құрылды. 1923 жылы 7 қаңтарда Пирита ауылы (170 тұрғын) Таллинн қаласының құрамына кірді. Кеңес заманында Виймси ауылында Киров атындағы балықшы колхозы болған.[2]
Көрнекі жерлері
өңдеуВиймси түбегі туризм тұрғысынан белсенді дамып келеді, мәдени нысандар, СПА орталығы және аквапарк бар. Қыста шаңғы орталығы ретінде пайдаланылатын саябақ бар.
Негізгі нысандары:
Теңіз жағалауындағы Paat мейрамханасы (қайық). Бұл Солтүстік Эстонияның тағамдарымен, сәулетімен және әдемі теңіз көріністерімен әйгілі аспаздық орындарының бірі. Теңіз жағасында, төңкерілген үлкен қайыққа ұқсайтын ғимарат.
Ашық аспан астындағы мұражай. Мұражай - XVIII ғасырдағы дәстүрлі балықшылар ауылын еске түсіреді. Мұнда күнделікті өмірге, жергілікті тұрғындардың шаруашылық жұмыстарын көріп, сондай-ақ қайықпен серуендеп, ауыл мерекелеріне және жәрмеңкелерге қатысуға болады.
Жағалаудағы халықтар мұражайы (Rannarahva Muuseum) Мұражай Виймси түбегінде теңіз жағасында орналасқан ежелгі Принги жағалауындағы ауылда орналасқан. Мұражайда эстондық жағалау халқының тарихы мен мәдениеті, сонымен қатар заманауи теңіз және жағалау мәдениетімен танысуға болады
Тяду туристік жаяу жол соқпағы. Тяду жаяу жүру соқпағы 3,5 км Виймси түбегінде. Тыныш қарқынмен жолды аяқтау үшін 1,5-2 сағат қажет. Маршрут тоғыз аялдаманы қамтиды.[3][4]
Галарея
өңдеу| Виймси түбегіндегі теңіз жағалауы | Түбектегі тұрғын үйлер, 2010 ж | Түбектегі үңгір | Саз балшықты кемер | Виймси түбегіндегі мұз тастар |
|---|---|---|---|---|
 |
 |
 |
 |
 |
Дереккөздер
өңдеу- ↑ Виймси https://turbinatravels.com/guide/Viymsi-Estoniya-117436/Zametki/Viymsi-zel-nyy-poluostrov-39639/
- ↑ Виймси - зелёный полуостров https://turbinatravels.com/guide/Viymsi-Estoniya-117436/Zametki/Viymsi-zel-nyy-poluostrov-39639/
- ↑ Достопримечательности полуострова Виймси https://www.jartour.ru/info/dostopr_viimsi.html
- ↑ РАЙОН ПИРИТА И ПОЛУОСТРОВ ВИЙМСИ Источник: https://provodniq.com/excursion/rajon-pirita-i-poluostrov-vijmsi/