Виктор Гаврилович Семерьянов

Виктор Гаврилович Семерьянов

Виктор Гаврилович Семерьянов

1937 жылы 25 қыркүйекте РКФСР Алтай аймағы Новоегорьевка ауылында туған. Орыс.

Әкесі - Семерьянов Гаврил Федорович (1897-1940). Анасы - Семерьянова Наталья Зиновьевна (1900-1953).

М. Горький атындағы Мәскеу әдебиет институтының «Поэзия» факультетін бітірген (1972), әдеби қызметкер.

«Ертіс мақамы» (1962), «Баспалдақтар» (1976), «Поэзия күні» (1978), «Биік жағалау» (1981), «Тырналардың соңынан» (1983), «Жабылмаған есікше» (1984), «Мен саған баяндап беремін» (1984), «Қысқы кемпірқосақ» (1998), «Қаздардың қайтуы» (1998), «Досқа шалынған қоңырау» (2000), «Жасыбай туралы аңыз» (2000), «Жақсы естелікке» (2002), «Тыныштық тағы жүрек соғысы» (2004), «Машхүр шыңы» (2005), «Уақыт ырғағы» (2007), «Ресей туралы түстер» (2007) жинақтарының; «Нива», «Простор», «Преодоление» журналдарындағы мақалалар жинағының авторы.

Қазақ тілінен А. Құнанбаевтің, А. Қанидің, О. Қожановтың, М. Аяғанованың, К. Көпешевтің, А. Нұртазиннің, Г. Айтмағамбетованың өлеңдерін аударған.

1957 жылдан - Жоғарғы Ертіс өзен пароход қатынасы теплоходының жүргізушісі, жүргізуші-моторшысы, штурманы, механиктің бірінші көмекшісі, капитаны. 1969 жылдан - Павлодар облыстық телевизиясының редакторы, әдеби-драмалық бағдарламалар бөлімінің меңгерушісі. 1971 жылдан - «Звезда Прииртышья» Павлодар облыстық газеті редакциясының тілшісі, мәдениет бөлімінің меңгерушісі , жауапты хатшысы, редакторының орынбасары.

2001 жылдан - зейнеткерлік демалыста, П. Васильев атындағы Әдеби бірлестікпен, «Шафердің үй-мұражайымен» қатынасын жалғастыруда, жас әдебиетшілерге, ақындарға кеңес, ақындардың өлең жинақтарына пікір білдіреді.

П. Васильев атындағы Павлодар әдеби бірлестігінің төрағасы.

Павлодар облысы әкімінің, Павлодар облыстық мәслихатының Құрмет грамоталарымен (2007); ҚазКСР Жоғары Кеңесінің грамотасымен (1987) марапатталған. П. Васильев атындағы сыйлықтың лауреаты (2009). Павлодар облысы әкімінің әдебиет саласындағы грантының иегері (2009).

Үйленген. Жұбайы - Семерьянова Альбина Ивановна (1940 жылы туған), зейнеткер. Ұлдары - Сергей (1961 жылы туған), Константин (1961 жылы туған).