Басты мәзірді ашу

Виктор Петрович Кан - 1950 жылы 19 сәуірде Талдықорған қаласында туған.

B.И. Ленин атындағы Қарағанды политехникалық институтын (1973) инженер-электрик мамандығы бойынша; C.М. Киров атындағы Қазақ мемлекеттік университетін (1982) заңгер мамандығы бойынша; КСРО ІІМ Академиясын (1991) құқық қорғау қызметін ұйымдастырушы мамандығы бойынша бітірген. 1975 жылдан - ҚазКСР ІІМ Өрт күзеті басқармасының өрттехникалық стансасының инженері. 1977 жылдан - ҚазКСР ІІМ Қылмыстық іздестіру басқармасының инспекторы, АМІ женіндегі аға инспекторы, аға инспекторы. 1984 жылдан - Целиноград облыстық ІІБ қылмыстық іздестіру белімі бастығының орынбасары. 1986 жылдан - Целиноград облысы Степногорск ҚІІБ бастығы. 1988 жылдан - Алматы қаласы Фрунзе АІІБ бастығы. 1990 жылдан - КСРО ІІМ Академиясының тыңдаушысы. 1991 жылдан - ҚР Президенті және Министрлер кабинеті Аппаратының құқық қорғау органдары секторының меңгерушісі. 1993 жылдан - ҚР ішкі істер министрінің орынбасары - ҚР ІІМ Ұйымдасқан қылмысқа және сыбайлас жемқорлыққа қарсы күрес бас басқармасының бастығы. 1995 жылдан- ҚР ІІМ Бас күзет басқармасының бастығы. 1997 жылдан - Астана қалалық ІІБ бастығы. 2000 жылдан - қызметінен босатылған. 2001 жылдан - «Семсер» ЖАҚ» бас директоры. 2005 жылдан - «ҚазМұнайГаз» ҰК» АҚ президентінің кеңесшісі. 2006 жылдан бері - ҚР ТЖМ «Өрт сөндіруші» АҚ президенті.

3-ші, 2-ші дәрежелі «Мінсіз қызметі үшін», «Қоғамдық тәртіпті қорғау жөніндегі үздік қызметі үшін», «Ұзақ жылғы адал еңбегі үшін», «КСРО Қарулы Күштеріне 60 жыл», «КСРО Қарулы Күштеріне 70 жыл», «1941-1945 жылдардағы Ұлы Отан соғысындағы Жеңістің 40 жылдығы», «Астана», «Қазақстан Республикасының тәуелсіздігіне 10 жыл», «Қазақстан Конституциясына 10 жыл», «Құқық тәртібін қамтамасыз етуде үздік шыққаны үшін», «Қазақстан Республикасындағы қоғамдық тәртіпті қамтамасыз етуде үздік шыққаны үшін» медальдарымен; «Милиция үздігі», «Қазақстан полициясына 15 жыл» белгілерімен, ҚазКСР және ҚР ІІМ, Астана қаласы әкімінің құрмет грамоталарымен марапатталған. ҚР ІІМ Еңбек сіңірген қызметкері.

Запастағы милиция генерал-майоры.Үйленген. 2 ұлы бар.[1]

ДереккөздерӨңдеу

  1. Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2