Виктор Федорович Мироглов

Виктор Федорович Мироглов (21.02.1939, Шығыс Қазақстан облысы Қазаншұңқыр кеніші - 1998) - жазушы, аудармашы. ҚазҰУ-ды бітірген (1961). Инженер-гидролог, мектепте оқу ісінің менгерушісі. "Золотая Чукотка" газетінде бөлім меңгерушісі. "Қазақфильм" киностудиясының деректі хроникалық бірлестігінде бас редактордың орынбасары, "Жаңа фильм" журналында бас редактордың орынбасары. "Простор" журналында қызметкер, "Жазушы" баспасы бас редакторының орынбасары қызметтерін атқарған. Баспасөз беттерінде 1959 жылдан көріне бастаған. Отыздан астам деректі және ғылыми-көпшілік фильмдердің сценарийлерін жазған. Қазақ қаламгерлері Ә.Таразидің, Д.Досжановтың, О.Бөкеевтің, Ә.Нұршайықовтың шығармаларын. І.Есенберлиннің "Алтынорда" трилогиясын орыс тіліне аударған.