Виталий Владимирович Кличко

Виталий Владимирович Кличко (укр. Виталий Володимырович Кличко; 19 шілде 1972 жыл, Шу облысы, Қырғыз КСР) — украиналық кәсіпқой боксшы, мемлекет қайраткер, саясаткер, 2014 жылдан бері Киев мэрі, Украина қаһарманы.

Виталий Кличко
укр. Віталій Володимирович Кличко
Жалпы мағлұмат
Азаматтығы	Украина
Туған күні	19 шілде 1972 (1972-07-19) (52 жас)
Туған жері	Шу облысы, Қырғыз КСР, КСРО
Тұрғылықты жері	Киев, Украина
Салмағы	90,89
Тұрысы	Сол
Бойы	203
Кәсіби карьерасы
Айқастар саны	47
Жеңгендер саны	45
Нокаутпен жеңгені	43
Жеңілгендер саны	2

Карьерасы

Саясат

Киев мэрі (5 маусым 2014 ж). 2014 жылдың 25 маусымынан бастап Киев қалалық мемлекеттік әкімшілігінің басшысы. Украина батыры (2004).

2012 жылдың 12 желтоқсанынан 2014 жылдың 5 маусымына дейін 7-ші шақырылымдағы Украинаның халық депутаты. Жоғарғы Рададағы УДАР фракциясының жетекшісі. Украина президентінің кеңесшісі (2005-2006 - штаттан тыс, 2006-2008 - штатта), дене шынықтыру және спорт ғылымдарының кандидаты, «UDAR» украин саяси партиясының жетекшісі.

Боксшы

Кәсіби боксшы, ауыр салмақта, кикбоксшы. WBC нұсқасы бойынша бокстан «Құрметті» және «Мәңгілік» әлем чемпионы атағының иегері. WBO (1999-2000), The Ring (2004-2005) және WBC (2004-2005, 2008-2013) нұсқалары бойынша кәсіпқойлар арасындағы бокстан әлем чемпионы, ЕБУ бойынша кәсіпқой бокстан Еуропа чемпионы. Ауыр салмақтағы әлем чемпионы атағы үшін 15 жекпе-жекті жеңді. Әр түрлі ұйымдардың нұсқалары бойынша кикбоксингтен әлем чемпионы атағының алты дүркін жеңімпазы (кәсіпқойлар арасында төрт рет және әуесқойлар арасында екі рет). Әуесқой бокстан Украинаның үш дүркін чемпионы. Халықаралық бокс Даңқ Залының мүшесі. BoxRec бойынша салмақ санатына қарамастан барлық уақыттағы үздік боксшылар рейтингінде 35 -ші орында.

2003 жылдың тамызында інісі Владимирмен бірге Кличко ағайындылар қорының қайырымдылық ұйымын құрды.

2005 жылдың қарашасында спорттық мансабын аяқтағанын, ал 2007 жылы қайта жаңғыртқаны туралы хабарлады. Оның спорттық мансабы ақыры 2013 жылдың желтоқсанында аяқталды.

Кәсіпқой боксшы Владимир Кличконың үлкен ағасы, WBA super, WBO, IBF, IBO және The Ring тұжырымдары бойынша бокстан әлем чемпионы.

Жаттықтырушы - Фриц Здунек (оны да Владимир Кличко жаттықтырған).

Сілтемелер

• Ағайынды Кличколардың ресми сайты