Владимир Яковлевич Филимонов

Владимир Яковлевич Филимонов (2.01.1936 жыл, Шығыс Қазақстан облысы Шемонаиха ауылы) - шаңғы спортынан жаттықтырушы. Орыс.

Өмірбаяны

Әкесі - Филимонов Яков Иванович, марқұм. Анасы - Филимонова Федосья Ивановна, марқұм.

• Қазақ мемлекеттік дене шынықтыру институтын бітірген (1959), жаттықтырушы-оқытушы.
• 1959 жылдан - Өскемен педагогикалық институтының оқытушысы.
• 1960 жылдан - теміржол транспорты жүйесінде жұмыс істеген.
• 1965 жылдан - Алматы қаласы Республикалық жоғарғы шеберлік мектебінің аға жаттықтырушысы.
• 1974 жылдан - шаңғы жарысынан КСРО құрама командасының жаттықтырушысы, аға жаттықтырушысы.
• 1990 жылдан - шаңғы жарысынан ҚР құрама командасының бас жаттықтырушысы.
• 1998 жылдан - ШҰКД бақылау бөлімінің, жоғарғы жетістіктер спорты бөлімінің бастығы.
• 2001 жылдан - шаңғы жарысынан ҚР аға жаттықтырушысы.
• 2009 жылдан бері - шаңғы жарысынан ҚР құрама командасының аға жаттықтырушысы.

Шәкіртері

Шаңғы жарысынан чемпиондар - Иван Гаранинды, Владимир Смирновты тәрбиелеген.

Шендері

• Қазақ спорт және туризм академиясының қысқы спорт түрлері кафедрасының Құрметті профессоры (2003 жылдан бері).

Шығармалары

• «Шаңғы жарыстары» (2008), «Өмірмен жарысқан шаңғы жолы» (2008) кітаптарының авторы.

Марапаттары

• КСРО Еңбек сіңірген жаттықтырушысы.
• ҚР Еңбек сіңірген спорт қайраткері.
• Еңбек Қызыл Ту орденімен (1988);
• «Қажырлы еңбегі үшін »медалімен (1976) марапатталған.

Отбасы

• Үйленген. Жұбайы - Галина Яковлевна Филимонова, зейнеткер, суға секіруден ҚазКСР Еңбек сіңірген жаттықтырушысы.