Вольф Мессинг
Во́льф Григо́рьевич (Ге́ршикович) Ме́ссинг (1899 жылы 10 қыркүйек (Гура-Кальвария, Польша) — 1974 жылы 8 қараша, Мәскеу, КСРО) — эстрадалық артист (менталист), КСРО-да «адамдардың ойын оқу» психологиялық тәжірибелермен өнер көрсеткен, РКФСР-дің еңбек сіңірген артісі
Өмірбаяны
Вольф Мессинг Ресей империясына жататын Варшавадан 25 км оңтүстік-шығыста орналасқан Гура-Кальвария қаласында еврей отбасысында дүниеге келген. Жас кезінде поляк кезбе цирктерінде иллюзионистердің көрсетілімдеріне қатысқан. Соңынан эстрадалық телепатияны меңгеріп алды («қолды ұстап түйісу»). П. Орешкинге берген сұхбатында Мессинг көрсетілімдерін төмендегідей әсірелейді: …Ол ойларды оқу емес, түсіндіру үшін, әсерлеп айтсам, «бұлшық еттeрді оқу»деп айтуға болады… Адам бір нәрсені қатты қиналып ойласа мидың жасушалары бұлшық еттің жасушаларына импульс береді. Олардың қозғалысын жәй адам сезбесе, мен жеңіл қабылдаймын... Мен көбінесе ойша тапсырмаларымды индуктормен түйіспей-ақ орындай аламын. Бұл жерде маған индуктордың жиі-жиі дем алуы, пульсінің соғуы, дауысының тембрі, жүрісінің мінезі және т.б. маған көрсеткіш болып табылады. Д. А. Бирюков КСРО Медицина академиясының корреспондент-мүшесі, артистің қабілетін зерттеген институттың басшысы. Ол да Мессингтің әдіснамасын оның айтқанына ұқсас түсіндіреді.
Мессингтің тәжірибиесін күрделендірген түрде қайталаған Юрий Горный да Мессингтің бекітілімін растайды. 1939 жылы Екінші Дүниежүзілік соғыс басталғасын Кеңес Одағына қашады. Бастапқыда ол үгіт бригада құрамында «ойларды оқу» сияқты көрсетілімдермен, артынан Госконцерттің атынан жеке концерттер көрсетумен айналысты. Кеңес циркінде иллюзионист болып істеді.
Әкесі, бауырлары, туысқандары Майданек пен Варшава геттосында қаза тапты.
Екінші Дүниежүзілік соғыс кезінде артист Мессингтің қаражатына екі истребитель құрастырылды. Бірінші истребитель Як-7 Вольф Мессинг 1944 жылы ас-ұшқыш Константин Ковалёвке, оған Кеңес Одағының Батыры атағы берілгені туралы бұйрықты оқығасын, арнайы сатып әперді. Осы истребительмен Константин Ковалёв жаудың төрт ұшағын атып құлатты. Екіншісі 1944 жылы сатып алынып, «Варшава» авиаполкына берілді. Мессинг 1943—1944 жылдары Новосибирск қаласында тұрды. Вольф Мессингтің көрсетілімдерінде ассисент болып жұмыс істегеннен бастап, қайтыс болғанға дейін онымен бірге болған жұбайы — Аида Михайловна Мессинг-Рапопорт. 1961 жылдан 1974 жылға дейін Мессингтің ассисенті қызметін В. И. Ивановская атқарды. 1974 жылдың 8 қарашада 23 сағатта Вольф Мессинг ауруханада, соғыс кезінде аяғынан алған жарақаттан, ұзақ уақыт ауырып қайтыс болды. Оның санымен мықынының қүре тамырларына сәтті операция жасалған еді, бірақ белгісіз бір себептермен, екі күн өткесін бүйректің істен шығуы мен өкпенің домбығуынан өмірден озды. Мәскеудегі Востряков зиратында жерленген.
Өмірбаяны мен оның ақиқатын тексеру
1965 жылы «Наука и религия» журналында (7 нөмірінен 11-шы нөміріне дейін) Мессингтің ғұмырнамасы жарияланды, оған қоса «Смена», «Советская Россия» журналдарында тағы бірталай басылымдарда жарияланды. Оның таңғаларлық мәлімдемелерін тексеру әрекеті, оның шындығын, деректілігін анықтай алмады.
1. Мессингтің айтуынша, ол 1915 жылы 16-жасында Эйнштейнмен оның Вена қаласындағы пәтерінде кездескен, онда оны кітаптың көптігі таңғалдырған. Сонда Эйнштейн және Фрейдпен телепатиялық сеанс өткізген. Бірақ деректі түрде белгілі Эйнштейннің Венада пәтері болмаған, жалпы ол 1913 және 1925 жылдар аралығында Венада болмаған. Одан басқа, Эйнштейн үйінде бірнеше анықтамалар мен керек маңызды статьялардың көшірмесін ғана ұстаған.
2. Мессингтің айтуынша, неміс әскерлері Польшаны оккупациялағаннан кейін оның басына 200 мың марка тігеді, оның себебі Варшаваның бір театрында ол егер немістер бастарын шығысқа бұрса ол Гитлердің өліміне әкеледі деп болжаған. Сол үшін оны тұтқындап полицей бөліміне отырғызған. Одан өзінің таңғажайып мүмкіндігінің арқасында қашып шыққан. Оған ешқандай дәлел табылған жоқ.
3. Ресейдің мемлекеттік әскери мұрағатының 850 трофейлік мұрағатынан (Империялық канцелярияның, министрліктердің,жасырын полиция басқармасының, мемлекеттік қауіпсіздік басқармасының мұрағаттар фондтары және нацистік партия көсемдерінің жеке мұрағаттары ) артист Вольф Мессинг туралы мағлұмат табылмады. Ол туралы мағлұмат Берлин кітапханасының каталогын тексергенде де табылмады. Сол сияқты мағлұмат Генерал-губернатордың (Польша) үкіметінің мұрағатын тексергенде де табылмады, Германия сыртқы істер министрлігінің, Мәскеудегі неміс елшілігінің, Рейх Канцеляриясының, Рейхтың халық ағарту және үгіт министрлігінің, Неміс жаңалықтар бюросының,неміс шет ел ғылыми институтының мұрағаттарында, Розенбергтің қызмет орындары орналасқан жерлерден де табылмады. Рейхтің үгіт басшылығының да құжаттарында Гитлердің Мессингтің жария сөздеріне деген реакциясы туралы мағлұмат табылмады.
4. Польшаның соғыстар аралығындағы құпия білімдер, парапсихология және оккультизм тақырыбына жазған журналдарында («Обэим», «Подсолнечники», «Мир духа», «Мир сверхчувственный», «Духовные знания», «Свет»), Вольф Мессинг туралы ескерпелер табылмады (басқа гипнотизерлар мен көріпкелдерге қарағанда). «Библиография Варшавы анықтамасында 1921—1939 жылдары Мессингке арналған бірде-бір статья жазылмаған. Юзеф Свитковскидің «Оккультизм және магия парапсихология тұғырынан» («Лотос», Львов, 1939 /Краков, 1990) кітабында Мессингтің фамилиясы кездеспейді. «Sonderfahndungsbuch Polen», "Польшадағы бақылау" атты толық кітабы криминалдық полицияның 1940 жылы шыққан баспасында да Мессингтің фамилиясы жоқ.
5. 1940 жылы Мессинг Гомелде Посполитаның басшыларымен кездесуі мен Польшаның жағдайы қызықтырған Сталинмен кездескен сияқты. Сондай кездесулер Сталинмен артынан да болған сияқты, соның ішінде Мәскеуде өткен деген сөз болды. Бірақ оны растайтын бірде-бір құжат РФ ФСБ Орталық мұрағатында, СОКП ОК мұрағатында (қазіргі — Ресей әлеуметтік-саясат тарихы мұрағаты), сол сияқты Беларусь Республикасының МҚК Орталық мұрағатында, Беларусь Республикасының Халық мұрағатында да кездеспейді. Сонымен қатар Грузияның халық және мемлекеттік мұрағаттарында, Грузия партия мұрағатында (қазір — Грузия президентінің мұрағаты), Сталиннің Кремлде қабылдаған адамдардың жазбасында («Тарихи мұрағат» журналының: 1994, № 6; 1995, № 2,3,4,5-6; 1996,№ 2,3,4,5-6;1997,№ 1 сандарында жарияланған), және де 1927-1953 жылдары Сталинның кабинетінде болған адамдарды жазған дәптерде де Мессингтің фамилиясы жоқ.
6. Мессинг айтуынша Сталиннің өтініші бойынша, Госбанктің кассирінің көзін байлап оған таза парақша ұсынып, одан 1000000 рубль алған. Бірақ ол кезде Госбанктен ақша алу тәртібі басқаша болатын, чекті бухгалтерге береді, онда ешқандай ақша болмайды. Осы құжат банктің ішкі каналдарынан өтіп, ревизордың (кей кезде екеуімен егер алатын ақша өте көп болса екеуімен) тексеруінен өтеді, әрі кассирге қайтып келу керек еді, ол құжаттармен ақшаны дайындап содан кейін ғана клиентті шақырады
Дереккөздер
өңдеуhttp://www.mk-piter.ru/2006/08/23/019/
http://www.pravda.ru/authored/21-01-2010/1009034-0/?mode=print
http://www.kp.ru/print/article/24396/573481/(қолжетпейтін сілтеме)
http://spb.kp.ru/daily/24428/597948/
http://ria.ru/analytics/20090910/184429836.html
Вольф Мессинг. О самом себе. — М.: 1965.
Непомнящий Н. Вольф Мессинг. — М.: Олимп, 1999.
Володарский Э. Вольф Мессинг. Видевший сквозь время. — СПб.: Амфора, 2007.
Димова Н. Вольф Мессинг. Драма жизни великого гипнотизёра. — М.: Вектор, 2007.
Стронгин В. Л. Вольф Мессинг. Судьба пророка. — М.: АСТ-Пресс книга, 2008.
Соколов Б. В. Вольф Мессинг. — ЖЗЛ, 2010.