Вуся Ароновна Черняк

Вуся Ароновна Черняк (10 қараша 1920 жылы, Орел облысы, Елецк қаласы - 1990 жыл, Алматы) - қазақстандық философ, философия ғылымының докторы (1970). 1944 жылдан КПСС мүшесі. 1941 жылы Дондағы Ростов педагогикалық институтын бітірді. Отан соғысына қатысты. 1949 жылы Доднағы Ростов мемлекеттік университетінің аспирантурасын (философ мамандығы бойынша) бітірді. 1949 жылы Қазақтың С.М.Киров атындағы мемлекеттік университетінде философиядан сабақ берді. 1952 жылы "Қоғам дамуындағы озат саяси идеялардың ролі" деген тақырыпта кандидаттық диссертация қорғады. 1961 жылдан Қазақ КСР ғылым академиясының Философия және құқық институтында аға ғылыми қызметкер, 1975 жылдан тарихи материализм бөлімінің меңгерушісі. Черняк 1970 жылы "Дүниеге ғылыми - материалистік атеистік көзқарастың қалыптасуының теориялық - социологиялық мәселелері" деген тақырыпта докторлық диссертация қорғады. Оның философия ғылымында зерттеп жүрген саласы - социалды қоғамда жаңа адамның қалыптасуындағы социологиялық мәселелер.