Вьетнам Ұлттық футбол құрамасы

Вьетнам Ұлттық футбол құрамасы — халықаралық жарыстарда Вьетнамның намысын қорғайтын ұлттық құрама. Басқарушы орган — Вьетнам Футбол федерациясы. Әлем чемпионатына қатыспаған. Азия чемпионатына екі рет (2007, 2019) қатысқан.

Вьетнам Ұлттық футбол құрамасы
Лақап аты Алтын айдаһарлар
Конфедерация Азия футбол конфедерациясы
Федерация {{{Федерация}}}
Бас бапкері Пак Хан Со
Капитаны Ку Нгок Ха
Негізгі
форма
Қонақтық
форма
Бірінші ойын
Филиппиндер 2 - 2 Вьетнам
(26 қараша 1991 жыл)
Ең ірі жеңіс
Вьетнам 11 - 0 Гуам
(Хошимин, 23 қаңтар 2000 жыл)
Ең ірі жеңіліс
Зимбабве 6 - 0 Вьетнам
(Куала Лумпур, Малайзия; 26 ақпан 1997 жыл)

ТарихыӨңдеу

50 жылдарға дейінӨңдеу

Вьетнамға футбол 19 ғасырдың соңғы жылдарында келді. Әуелі француз әскерлері, әскери қызметкерлері өзара ойнап жүрді де, сосын вьетнамдықтарды да ойнауға шақырды. Осылайша футбол ойнауға жергілікті азиялықтар да үйрене бастайды. 1908 жылы алғашқы команда құрылды деген ақпараттар бар, ал 1928 жылы мұнда алғашқы ресми спорттық ұйымдар құрылды да, Вьетнамда кәсіби емес клубтық командалар көбейе бастады. Бірақ 50-жылдарға дейін бұл жақта ұлттық құрама деген болмады. Тек Вьетнам екіге бөлінген соң ғана ұлттық құрамалар бас қосты.

50-70 жылдарӨңдеу

Қараңыз: Солтүстік Вьетнам құрамасы, Оңтүстік Вьетнам құрамасы

70-жылдардан соңӨңдеу

1976 жылы Солтүстік және Оңтүстік Вьетнам бірікті де, ұлттық футбол құрамалары да бірікті. Бірақ құрама 1991 жылға дейін бір ойын да өткізбеді. 1991 жылы 26 қараша күні Филиппиндер құрамасымен жолдастық кездесу өткізіп, 2:2 есебімен тең тарқасты.

2007 жылғы Азия чемпионатын Малайзия, Индонезия, Таиланд елдерімен бірігіп өткізді де, тұңғыш рет финалдық турнирге қатысып, ширек финалға дейін жетті.

2008 жылы құрама тізгінін португалиялық Энрике Калишту ұстады. Сол жылы Вьетнам құрамасы АСЕАН турнирінде чемпион атанды. Бұл жетістігін тек 2018 жылы ғана қайталай алды.

2019 жылғы Азия кубогында тағы да ширек финалға дейін жетті.

Ірі турнирлердеӨңдеу

Әлем чемпионаттарыӨңдеу

  • 1994 — 2018 іріктеуден өте алмады

Азия кубогыӨңдеу

  • 1996 — іріктеуден өте алмады
  • 2000 — іріктеуден өте алмады
  • 2004 — іріктеуден өте алмады
  • 2007 — 1/4 финал
  • 2011 — іріктеуден өте алмады
  • 2015 — іріктеуден өте алмады
  • 2019 — 1/4 финал

АСЕАН чемпионатыӨңдеу

  • 1996 — 3 орын
  • 1998 — 2 орын
  • 2000 — 4 орын
  • 2002 — 3 орын
  • 2004 — топтық турнир
  • 2007 — 1/2 финал
  • 2008 — чемпион
  • 2010 — 1/2 финал
  • 2012 — топтық турнир
  • 2014 — 1/2 финал
  • 2016 — 1/2 финал
  • 2018 — чемпион

СілтемелерӨңдеу