Вячеслав Константинович Ким

Вячеслав Константинович Ким
	Вячеслав Константинович Ким
	Вячеслав Константинович Ким
Туған күні	12 маусым 1969 (55 жас)
Туған жері	Алматы қаласы
Азаматтығы	Қазақстан
Компаниясы	Kaspi Bank
Лауазымы	Экономист; Инвестор; Меценат
Білімі	Қазақстан-Ресей университеті
Марапаттары	Құрмет ордені
Жұбайы	Татьяна Ким

Вячеслав Константинович Ким (1969 жылы 12 маусымда туған, Алматы, Қазақ КСР) – экономист, қаржыгер, қоғам қайраткері; Kaspi.kz-тің негізін қалаушылардың бірі, акционері және директорлар кеңесінің төрағасы, Қазақстан ұлттық таэквондо федерациясының президенті.

Білімі

Республикалық физика-математика мектебінің түлегі (1996 жыл)^[1]. Абай атындағы Қазақ Ұлттық педагогикалық университетін «Экономист-қаржыгер» мамандығы бойынша (1998 жыл), Ресей-Қазақстан қазіргі заманғы гуманитарлық университетін «Қаржыгер» мамандығы бойынша» (2002 жыл) бітірген.

1987 - 1989 жж. – КСРО қарулы күштері қатарында әскери қызмет атқарған^[2].

Мансабы

1990 ж. серіктесімен бірге Коноваловтың офтальмологиялық клиникасын құрды^[3].

1996 - 2004 жж. – «ALTAIR» АҚ, «Азия Техникс» ЖШС, «ATG» ЖШС компанияларында бөлшек сауда бизнесімен, электрондық техниканы дистрибуциялаумен айналысты.

1993 - 2005 жж. – «Планета электроники» сауда желісінің негізін қалаушылары мен иелерінің бірі ^[3].

2003 - 2004 жж. – Қазақстандық тауар өндірушілер мен техника қауымдастығының қадағалау кеңесінің төрағасы ^[4].

2004 - 2005 жж. – «Азия ТехниксГрупп» АҚ президенті^[5].

2004 - 2006 жж. – Қазақстан Республикасының экономика және бюджеттік жоспарлау министрінің кеңесшісі ^[6].

2005 - 2006 жж. – «Қазақстан Темір Жолы» АҚ экономика жөніндегі басқарушы директоры ^[7].

Kaspi.kz

2002 - 2006 жж. – «Банк «Каспийский» АҚ акционері және директорлар кеңесінің мүшесі ^[8].

2006 - 2008 жж. – «Банк «Каспийский» АҚ ірі акционері және директорлар кеңесінің төрағасы ^[9].

2008 ж. бастап «Kaspi Bank» АҚ директорлар кеңесінің төрағасы қызметін атқарады ^[10].

2018 жылғы 5 желтоқсаннан бастап Kaspi.kz директорлар кеңесінің төрағасы ^[11].

Kaspi.kz IPO-сы 2020 жылдың қазан айында Лондон қор биржасында сәтті өткізілгеннен кейін Bloomberg ақпараттық агенттігінің бағалауы бойынша Вячеслав Кимге тиесілі акциялар пакетінің құны 1,9 миллиард АҚШ долларын құрады ^[12]^[13].

2020 жылғы 21 ақпанда Қазақстан президенті Қасым-Жомарт Тоқаев Вячеслав Киммен және Kaspi.kz басқарма төрағасы Михаил Ломтадземен кездесу өткізді, кездесу барысында цифрлық сервистерді дамыту стратегиясы, Қазақстандағы электрондық коммерцияның өсу перспективасы, сондай-ақ компанияның шағын және орта бизнесті қолдау жоспарлары талқыланды. Президент Kaspi.kz қызметіне техникалық инновацияларды енгізудің маңыздылығын атап өтті ^[14]^[15].

Бір жылдан кейін 2021 жылғы 26 ақпанда Қазақстан президенті Қасым-Жомарт Тоқаев Kaspi.kz негізін қалаушылар - Вячеслав Киммен және Михаилом Ломтадземен екінші кездесу өткізді, оның барысында мемлекеттік органдар мен Kaspi.kz-тің бірлескен қызметінің перспективалық бағыттары айқындалды, соның ішінде Қазақстандағы қолма-қол ақшасыз төлемдерді дамытуға қатысты мәселелер нақтыланды^[16].

Басқа жобалар

2013 ж. бастап Kolesa Group компаниясының тең иеленушісі ^[17].

2016 - 2019 жж. – «Аллюр Компаниялар Тобы» АҚ директорлар кеңесінің мүшесі және тәуелсіз директоры ^[18].

2015 ж. бастап – «Алсеко» компаниясының тең иеленушісі ^[19].

2017 жылдан 2019 жылға дейін – «Magnum» сауда желісінің тең иеленушісі ^[20].

2019 ж. бастап – «Magnum» сауда желісінің қадағалау кеңесінің төрағасы ^[21].

Қаржылық жағдайы

2002 жылдан бастап Вячеслав Ким жыл сайын Forbes Kazakhstan журналы жариялап отыратын Қазақстандағы ең бай адамдардың тізімінің жоғарғы орындарынан көрініп келеді. Ол 2012 жылғы 24-ші орыннан 2020 жылы 8-ші орынға көтерілді, әл-ауқаты 639 миллион долларға бағаланды ^[22]. 2019 жылғы 15 қазанда Қазақстанның ең беделді бизнесмендердің ондығына кірді ^[23]. 2020 жылы Forbes Kazakhstan журналының редакциясы өз тарихында алғаш рет бірден екі кәсіпкерді – Kaspi.kz негізін қалаушы Вячеслав Ким мен компанияның негізін қалаушы және басқарма төрағасы Михаил Ломтадзені «Жыл бизнесмені» атағының лауреаттары деп жариялады ^[24].

Қоғамдық қызметі

Қоғамдық және спорт ұйымдарын қолдау

2016 - 2019 жж. – Қазақстан Республикасындағы Кендо және Иайдо федерациясының президенті ^[25].

2013 жылғы 11 қарашадан бастап қазіргі уақытқа дейін – Қазақстан ұлттық таеквондо федерациясының президенті^[26]^[27]. Таэквондо федерациясын басқарған кезде Вячеслав Ким федерацияны қаржыландыруды жолға қойды, спортшылар барлық қажетті формамен, спорттық құрал-жабдықпен қамтамасыз етілді. Жаттықтырушылар командасы спорттың осы түрінде дәстүрлі түрде жақсы нәтиже көрсетіп жүрген елдердің мамандарымен толықты ^[4].

2017 жылғы 13 сәуірден бастап «FizmatEndowmentFund» қоғамдық қорының қамқоршылық кеңесінің құрамына кіреді ^[28], член совета директоров Республиканской физико-математической школы^[29]. 2018 жылы «AlmatyTriathlonFederation» Алматы триатлон федерациясының қамқоршылық кеңесінің құрамына кірді^[30].

2019 жылдан бастап Қазақстан ұлттық географиялық қоғамы – «Kazakhgeography» РҚБ қамқоршылық кеңесінің мүшесі^[31]^[32].

Қайырымдылық қызметі

2010 - 2014 жж. – «Аяла» қайырымдылық қорына «Тыныс ал, балақай» жобасы бойынша демеушілік көмек көрсетті^[33].

2016 жылдан бастап «Мейірімділік» ерікті қоғамының қамқоршылық кеңесінің мүшесі^[34]^[35]. 2017 жылғы наурыз айында Вячеслав Ким Михаил Ломтадземен бірге «Аутизмді жеңеміз» жобасына ауданы 1400 шаршы метр күрделі жөндеуден өткен ғимаратты сыйға тартты ^[36].

2013 жылдан бастап «Өз бизнесіңді жаса» жобасы бойынша «Сәби» қайырымдылық қорының қамқоршылары мен серіктестерінің бірі^[37]^[38].

2020 жылы Kaspi.kz негізін қалаушылар Вячеслав Ким мен Михаил Ломтадзе коронавирус пандемиясымен күреске белсенді түрде қатысып, Қазақстан Республикасының денсаулық сақтау жүйесіне қаржылық қолдау көрсетті, экспресс-тестілер мен ӨЖЖ аппараттарын сатып алуға 100 миллион теңге бөлді^[39] және пандемиямен күресу үшін мемлекетке 100 жедел жәрдем көлігін тегін берді^[40].

Марапаттары

«Құрмет» ордені (14 желтоқсан 2007 жыл) – экономиканы, әлеуметтік саланы дамытуға сіңірген еңбегі және белсенді қоғамдық қызметі үшін ^[41].
«Парасат» ордені (13 желтоқсан 2016 жыл) – Қазақстан Республикасының әлеуметтік-экономикалық дамуына қосқан елеулі үлесі үшін ^[42].
«Еңбегі үшін» төсбелгісі және Алматы құрметті азаматы атағы (15 қыркүйек 2019 жыл) – қаланың дамуына қосқан ерекше үлесі үшін^[43].

Дереккөздер

[1] О. Жәутіков атындағы мектептің түлектері - 5министр (қолжетпейтін сілтеме)

[2] Ким Вячеслав Константинович (дербес анықтама)

[forbes.kz-3] Forbes Kazakhstan ұсынады: 2020 жыл бизнесмені

[Вячеслав_Кимнің_қызметі-4] Вячеслав Кимнің қызметі

[5] Салауатты перфекционизм Мұрағатталған 11 қаңтардың 2022 жылы.

[6] Қазақстандағы 100 жаңа есім – Вячеслав Ким Мұрағатталған 11 қаңтардың 2022 жылы.

[7] Қазақстанның Таеквондо федерациясының президенті болып танымал банкир Вячеслав Ким сайланды

[8] «Банк «Каспийский» ААҚ (Қазақстан) директорлар кеңесінің құрамы өзгерді

[9] «Банк «Каспийский» АҚ (Қазақстан) өзінің ірі акционерлері туралы ақпарат берді

[10] Топ-менеджмент өзінің жаңа kaspi bank брендін таныстырды

[11] Kaspi.kz АҚ директорлар кеңесінің төрағасы сайланды

[12] Digital Frenzy Creates Two Billionaires in U.K. Fintech IPO

[13] Kaspi.kz компаниясы IPO-ның сәтті өткізілгенін хабарлады

[14] Мемлекет басшысы бірқатар кездесулер өткізді

[15] Тоқаев Kaspi.kz басшыларын қабылдады. Ким мен Ломтадзе президентке IPO-ға дайындық туралы айтып өтті

[16] Тоқаев пен Kaspi.kz негізін қалаушылар мемлекеттік органдар мен компаниялардың бірлескен қызметін талқылады

[17] «Колеса» мен «Крышаның» иелері өзгерді

[18] AllurGroup компаниясының директорлар кеңесінің құрамы өзгерді Мұрағатталған 16 қаңтардың 2021 жылы.

[19] Вячеслав Ким мен Михаил Ломтадзе «АЛСЕКО» АҚ акцияларының 90%-ын сатып алды

[20] Вячеслав Ким Кеңес Рақышевтан Magnum-дағы үлесін сатып алды

[21] «Магнумның» оқиғалары

[22] Қазақстанның ең дәулетті 50 бизнесмені – 2020

[23] ең беделді 50 бизнесмен - 2019

[24] Дуумвират: Forbes Kazakhstan 2020 жылдың үздік бизнесменін таңдады

[25] Kazakhstan Kendo Federation

[26] Таэквондо федерациясының президенті болып Вячеслав Ким сайланды

[27] Қазақстан таеквондо WT федерациясының басшылығы Мұрағатталған 21 қаңтардың 2022 жылы.

[28] «Fizmat Endowment Fund» қоғамдық қорының қамқоршылық кеңесінің құрамы Мұрағатталған 21 қаңтардың 2022 жылы.

[29] «Республикалық физика-математика мектебі» коммерциялық емес акционерлік қоғамының директорлар кеңесі

[30] «Almaty Triathlon Federation» ҚБ Мұрағатталған 21 қаңтардың 2022 жылы.

[31] Қазақстанның ең беделді 50 бизнесмені (2020 ж. желтоқсан)

[32] «QazaqGeography» РҚБ қамқоршылық кеңесі

[33] Өмір ақшадан қымбат

[34] Вячеслав Ким «Аутизмді жеңеміз» жобасына үй ашты

[35] «Мейірімділік» ерікті қоғамы» қоғамдық қорының қамқоршылық кеңесі

[36] Алматыда «Аутизмді жеңеміз» жобасының қоныс тойы өтті

[37] Кеңес Рақышев пен Вячеслав Ким жас кәсіпкерлерге $260 мың табыс етті

[38] «Өз бизнесіңді жаса» конкурсына қатысуға өтінімдерді қабылдау басталды

[39] «Сәби» қоры мен Kaspi.kz коронавирусқа арналған экспресс-тестіге 200 миллион теңге бөлді

[40] Kaspi.kz 100 жедел жәрдем көлігін сыйға тартады

[41] AllurGroup компаниясының директорлар кеңесінің құрамы өзгерді

[42] ҚР Премьер-Министрі мемлекеттік наградалар табыстады

[43] Б.Сағынтаев Нұрпейісовті марапаттады

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]

[24]

[25]

[26]

[27]

[28]

[29]

[30]

[31]

[32]

[33]

[34]

[35]

[36]

[37]

[38]

[39]

[40]

[41]

[42]

[43]