Габриэль Батистута

Габриэль Омар Батистута (ис. Gabriel Omar Batistuta; 1 ақпан 1969, Реконкиста, Санта-Фе, Аргентина) — аргентиналық футболшы, Аргентина Ұлттық футбол құрамасының шабуыл шебінде ойнаған.

Габриэль Батистута
Жалпы мағлұмат
Толық аты	Габриэль Омар Батистута
Лақап аттары	Батигол (Batigol)
Туған күні	1 ақпан 1969 (1969-02-01) (55 жас)
Туған жері	Реконкиста, Санта-Фе, Аргентина
Азаматтығы
Бойы	185
Позиция	шабуылшы
Клуб жайлы ақпарат
Клуб	карьерасын аяқтады
Жастар клубы 1987—1988 Ньюэллс Олд Бойз 1989 →  Депортиво Итальяно Клуб карьерасы 1988—1989 Ньюэллс Олд Бойз 16 (4) 1989—1990 Ривер Плейт 19 (3) 1990—1991 Бока Хуниорс 30 (13) 1991—2000 Фиорентина 269 (168) 2000—2003 Рома 63 (30) 2003 →  Интернационале 12 (2) 2003—2005 Аль-Араби (Доха) 21 (25) 1988—2005 Барлығы 430 (245) Ұлттық құрамы 1991—2002 Аргентина 77 (54)

Карьерасы

Командалық

Габриэль Батистута Ренкониста қаласында дүниеге келді. Ол бала кезінде баскетболды да, волейболды да жақсы ойнаған. Бірақ есейе келе футболды таңдап, ең әуелі "Нюэллэ Олд Бойз" клубының селекционерлерінің көзіне түсті. Футболшылық ғұмырын осы клубтан бастады.

1988-91 жылдары Аргентинаның "Ривер Плейт", "Бока Хуниорс" клубтарының сапында ойнады да, Италияның "Фиорентинасына" ауысты. Осы тұста алғаш рет Аргентина құрамасына шақырту алды. Италиялық командада аттай тоғыз жыл ойнады. Бірақ команда Италия біріншілінде көбіне үздік төрттікке ілінгенімен, өзінің бір арманы — скудеттоны (Италия чемпиондағын) ұтып ала алмады. 1996 жылы Италия кубогын, 1997 жылы Италия суперкубогын ұтып алды, ал 1994 жылы Италия чемпионатының үздік мергені атанды. Дегенмен Италия футболының биігін бағындыру мақсатымен 2000 жылы жазда "Ромаға" ауысты. Ромаға барған алғашқы маусым қорытындысында-ақ 20 гол соқты да, Италия чемпионы атанды. Осыдан соң Батустутаның ойыны шау тарта бастады. 2003 жылы "Интерге" ауысып, бүкіл маусым бойына екі гол ғана соқты. 2003 жылы жазда Катар клубтарының біріне кетті. 2005 жылы карьерасын аяқтады.

Ұлттық құрама

Құрама сапында 77 кездесу өткізіп, 54 гол соқты. Үш бірдей әлем чемпионатына (1994, 1998, 2002) қатысты. Әлем чемпионаттарында екі рет хет-трик жасады (1994 жылы Грекия қақпасына, 1998 жылы Ямайка қақпасына). 2002 жылғы әлем біріншілігінде Аргентина топтан шыға алмай қалды да, Габриэль ққұрамадағы карьерасын аяқтады.

Әлем чемпионаттарында 10 гол соққан.

Жетістіктері

• Италия кубогы: 1995/96
• Италия суперкубогы: 1996
• Италия чемпионы: 2000/01
• Италия суперкубогы: 2001
• Оңтүстік Америка чемпионы: 1991, 1993
• Фадха Корольдың кубогы: 1992
• Артемио Франки кубогы: 1993
• ФИФА-100 тізіміне енген
• Италия чемпионатының үздік мергені: 1994

Cілтемелер

• Ресми сайты