Гари Макаллистер

Гари Макаллистер (ағылш. Gary McAllister; 25 желтоқсан 1964) — шотландиялық футболшы, жартылай қорғаушы, футбол жаттықтырушысы, 2018 жылдан бері "Рейнджерс" клубының бапкерлер алқасында қызмет етеді.

Гари Макаллистер
Жалпы мағлұмат
Туған күні	25 желтоқсан 1964 (1964-12-25) (59 жас)
Туған жері	Мотеруэлл, Шотландия
Азаматтығы	Шотландия
Бойы	185
Позиция	жартылай қорғаушы
Клуб жайлы ақпарат
Клуб	Глазго Рейнджерс
Қызметі	бас бапкердің ассистенті
Клуб карьерасы 1981—1985 Мотеруэлл 59 (6) 1985—1990 Лестер Сити 201 (47) 1990—1996 Лидс Юнайтед 231 (31) 1996—2000 Ковентри Сити 119 (20) 2000—2002 Ливерпуль 55 (5) 2002—2003 Ковентри Сити 55 (10) Ұлттық құрамы 1990—1998 Шотландия 57 (5) Бапкерлік карьерасы 2002—2003 Ковентри Сити 2008 Лидс Юнайтед 2010—2011 Астон Вилла асс 2015 Ливерпуль асс 2018— Глазго Рейнджерс асс

Карьерасы

Клубтық

Карерасын 1981 жылы туған қаласындағы "Мотеруэлл" клубында бастады. Клуб сапында бірнеше маусымды сәтті өткізді. 1980 жылдардың ортасында оған англиялық клубтардың көзі түсе бастады да, 1985 жылы Гари "Лестер Ситиді" таңдады.

1990 жылы "Лидс Юнайтед" футболшысы атанды. "Лидс" сапында да жақсы ойнады, сол себепті Ұлттық құрамаға да жиі шақырту ала бастады. 1992 жылы Англия чемпионы атанды. 1992-96 жылдары клуб капитаны ретінде ойнады.

1996 жылы "Ковентри Ситиге" ауысты.

2000 жылы 35 жастағы Макаллистер күтпеген жерде "Ливерпуль" клубына ауысты. Жасы кеп қалған футболшының бұл қадамын мерсиайдтық жанкүйерлер қолдай қоймады. Бірақ көп ұзамай Гари клубқа пайдалы ойыншыға айналды. Оның ұзақтан дәл тебетін соққылар, айып добын сәтті орындауы клубқа пайда әкелмей тұрмады, әсіресе 2001 жылы УЕФА кубогын ұтуына көп үлес қосты. Финалда "Алавеспен" болған кездесуде матчтың үздік ойыншысы атанды. "Ливерпульде" ойнаған екі маусымда көпшіліктің бойтұмарына айналып үлгерді.

2002 жылы "Ковентриге" қайтып оралып, бір маусымнан соң карьерасын аяқтады.

Халықаралық

Ұлттық құрамаға тұңғыш рет 1990 жылы шақырту алды. 1990 жылғы әлем чемпионатына, 1992 жылы Еуропа чемпионатына қатысты. 1992 жылғы Еуропа чемпионатының топтық кезеңінің соңғы турында ТМД қақпасына бір гол соқты, бұл ойында Шотландия 3:0 есебімен жеңіске жетті.

1996 жылғы Еуропа чемпионатына құрама капитаны ретінде қатысты.

Жетістіктері

Мотеруэлл

• 1 дивизион: 1985

Лидс Юнайтед

• 1 дивизион: 1992
• Англия суперкубогы: 1992

Ливерпуль

• Лига кубогы: 2001
• Англия кубогы: 2001
• УЕФА кубогы: 2001
• Англия суперкубогы: 2001
• УЕФА суперкубогы: 2001

Сілтемелер

• Профилі  (орыс.)
• Профилі  (ағыл.)
• Профилі мен статистикасы  (ағыл.)