Шотландия Ұлттық футбол құрамасы

Шотландия Ұлттық футбол құрама командасы — Халықаралық футбол жарыстарында Шотландияның атынан сынға түсетін ұлттық құрама. Басқарушы орган — Шотландия Футбол Қауымдастығы. Әлем чемпионатына 8 рет (1954, 1958, 1974, 1978, 1982, 1986, 1990, 1998) қатысқан.

Шотландия Ұлттық футбол құрамасы
Конфедерация	УЕФА
Федерация	Шотландия футбол қауымдастығы
Бас бапкері	Стив Кларк
Капитаны	Эндрю Робертсон
Ең көп ойын саны	Кенни Далглиш (102)
Үздік бомбардир	Кенни Далглиш Денис Лоу (30-дан)
Үй стадионы	Хэмпден Парк
ФИФА рейтингі	53 (-1) (24 қараша 2019)
ФИФА коды	SCO
Формасы
Негізгі форма Қонақтық форма
Шотландия 0:0 Англия (Партик, Шотландия; 30 қараша 1872 жыл)
Шотландия 11:0 Ирландия (Глазго, Шотландия; 23 ақпан 1901 жыл)
Уругвай 7:0 Шотландия (Базель, Швейцария; 19 маусым 1954 жыл)

Тарихы

Әлемдегі ең бірінші боп құрылған ұлттық құрамалардың бірі. Футбол тарихындағы ең тұңғыш матчтың қатысушысы, 1872 жылы 30 қарашада Шотландияның Патрик қаласында Англия құрамасымен жолдастық кездесу өткізіп, 0:0 есебімен тең ойнады.

Алғаш қатысқан әлем чемпионаты Швейцария-54. Аустрия және Уругвай құрамаларымен бір топқа түсіп, сегіз гол жіберіп алуға мәжбүр болды.

70 жылдары құрама біраз күшейді. 1974 жылғы әлем чемпионатында бір рет те ұтылмаса да, топтық турнирен аспады, 1978 жылы тек қосымша көрсеткіштер арқылы турнирдің болашақ финалисі Нидерландыдан кейін топта үшінші орында қалды. Айта кетейік, Шотландия ол жолы Нидерландыны 3:2 есебімен ұтқан болатын.

1998 жылы әлем чемпионатына қатысты да, топтан оза алмады. Содан бері не әлемдік, не құрлықтық турнирлерге жолдама ала алмай келеді.

Әлем чемпионаты

• 1930 - 1938 — Қатысқан жоқ
• 1950 — Қатысқан жоқ
• 1954 — топтық турнир
• 1958 — топтық турнир
• 1962 - 1970 — Қатысқан жоқ
• 1974 — топтық турнир
• 1978 — топтық турнир
• 1982 — топтық турнир
• 1986 — топтық турнир
• 1990 — топтық турнир
• 1994 — Қатысқан жоқ
• 1998 — топтық турнир
• 2002 - 2018 — Қатысқан жоқ

Еуропа чемпионаты

• 1960 — Қатысқан жоқ
• 1964 — Қатысқан жоқ
• 1968-1988 — Қатысқан жоқ
• 1992 — топтық турнир
• 1996 — топтық турнир
• 2000—2016 — Қатысқан жоқ

Сілтемелер

• Шотланд Футбол Қауымдастығы  (ағыл.)
• Барлық ойындары Мұрағатталған 24 қазанның 2018 жылы.  (орыс.)