Күн электр станциясы

(Гелиоэлектростанция бетінен бағытталды)

Күн электр станциясы немесе гелиоэлектрлік станция — электр энергиясын өндіру үшін Күн радиациясын пайдаланатын электр станциясы. Күн электр станциясының негізгі екі түрі (термодинамикалық және фотоэлектрлік) бар.

  • Термодинамикалық күн электр станциясында Күн энергиясы алдымен жылу энергиясына, одан кейін электр энергиясына айналады (мысалы, бу қазаны – турбина – генератор циклінде).
  • Фотоэлектрлік күн электр станциясында Күн энергиясы фотоэлектрлік генератордың көмегімен тікелей электр энергиясына түрленеді. Қолданыстағы күн электр стансасының пайдалы әсер коэффициенті 15 %-дан аспайды, ал меншікті қуаты жылу электр стансасының қуатынан бірнеше есе жоғары болады.[1]
Фотоэлектрлік күн электр станциясы

Фотоэлектрлік күн электр станциялары фотоэффект құбылысы негізінде жұмыс істейді. Күн элементтері немесе фотоэлемент күннен түскен зарядтарды түрлендіреді және жартылай өткізгіштің ауысуында ЭҚК тудырады. Қазіргі фотоэлементтер толығымен кремнийден жасалады. Оның ең көп тараған түрі кристалдық фотоэлементтер. Олар жылтыр, көк түсті болады. Аморфты және кристалдық фотоэлементтер тегіс, және жарық түсуіне байланысты түсін өзгертеді. Монокристалдық кремний поликристалдықтан қарағанда сапасы жоғары, бірақ қымбат. Күн элементтерінің қуаты орташа 0,7-0,75 Вт құрайды. Көбірек қуат алу үшін күн элементтерін тізбектей жалғап күн модульдерін құрайды, ары қарай күн батареясына жинақталады.[2]

Дереккөздер өңдеу

  1. “Балалар Энциклопедиясы”, V-том
  2. Кирпичникова И. М. "Возобновляемые источники энергии" 2009