Георг Фридрих Гендель

Георг Фридрих Гендель (23.02.1685, Галле — 14.04.1759, Лондон) — неміс композиторы.

Георг Фридрих Гендель нем. Georg Friedrich Händel
Георг Фридрих Гендель (1733)
Негізгі ақпарат
Толық аты	нем. Georg Friedrich Händel
Туған күні	5 наурыз 1685 (1685-03-05)
Туған жері	Галле, Қасиетті Рим империясы
Қайтыс болған күні	14 сәуір 1759 (1759-04-14) (74 жас)
Қайтыс болған жері	Лондон, Ұлыбритания
Белсенділік жылдары	1702 — 1759
Мемлекет	Қасиетті Рим империясы  Ұлыбритания
Мамандықтары	сазгер
Аспаптары	клавесин, орган, гобой
gfhandel.org
Георг Фридрих Гендель

18 ғасырда өмір сүрген Еуропадағы аса көрнекті опера композиторларының бірі. Ол 40-тан астам операның авторы. Опера жанрында қаһармандық және тұрмыстық образдардың музыкалық мінездемелерін тереңдетіп, вокалдық формалар мен оркестрді байыта түсті. Монументті эпикалық-драматикалық жанрдағы классикалық оратория тудыруда Гендельдің суреткерлік еңбегі ерекше. Ол 30-дан астам ораториның авторы. Композитор діни сюжеттерге негізделген “Израиль Египетте”, “Иуда Маккавей”, “Самсон”, “Мессия” сияқты шығармалар жазды. Гендель — неміс полифониясы мен ағылшын хор өнерінің дәстүрін одан әрі дамытқан суреткер. Композитор аспаптық музыкаға да үлкен үлес қосты (орган үшін концерттер, ансамбльдік сонаталар, клавесин үшін сюиталар мен фугалар, т.б.).