Генетикалық тәсіл
ГЕНЕТИКАЛЫҚ ТӘСІЛ (грек. genesіs — шығу тегі) — әлеуметтік құбылыстар мен процестердің пайда болуын, қалыптасуы мен дамуын талдау жасай отырып зерттеу әдісі. Ол іргелі, бастапқы негіздерге сүйеніп, әр алуан құбылыстардың арасынан зерттелетін нысандарды бөлектеуді, ерекшелей қарастыруды көздейді. Бұл тәсіл 17 ғ-дан бастап ғылымда даму идеяларының, атап айтқанда, математикада — дифференциалды бөлшектеудің, геологияда — Лайель теориясының, космогонияда — Кант-Лаплас болжамының, биологияда — эволюция ілімінің орнығуы нәтижесінде қалыптасты. Орыс социологы М.М. Ковалевский қоғамдық өмір мен әлеум. ин-ттардың шығу тегі жөніндегі мәселелерді зерттеумен айналысатын генетик. социологияны пайдалану идеясын ұсынды. ГЕНЕТИКАЛЫҚ ТӘСІЛ кез келген әлеум. даму процесінің бастапқы жағдайларын, оның басты кезеңдері мен өрбу үрдістерін, негізгі жолдарын айқындауға көмектеседі. Зерттеудің басты мақсаты — құбылыстардың уақыт ағымындағы байланыстарын айқындап, төменгі деңгейден жоғары деңгейлерге өту барысын сипаттау.
Дереккөздер өңдеу
“Қазақ Энциклопедиясы”, 2-том
| Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |