Геннадий Иванович Лопатников

Геннадий Иванович Лопатников (1928 жыл 6 сәуір, Алматы)) - мал дәрігері. Ветеринария ғылымдарының докторы (1972).

Өмірі

1950 жылы Алматы зоотехникалық-мал дәрігерлік институтын бітірген. 1950-1951 жылдары Қостанай облысы Қамысты ауданында, 1951-1956 жылдары Нарынқол ауданында бас мал дәрігері. 1956-1959 жылдары Алматы зоотехникалық-мал дәрігерлік институтында аспирант, 1959-1963 жылдары ассистент, ал 1963 жылдан доцент. Лопатников Қазақстанда ірі қара мен қой-ешкінің жұқпалы ауруын зерттеу жөнінде көп еңбек сіңірді. Оның қатысуымен қой-ешкінің контагиоздық эктима ауруына қарсы вакцина шығарылды, бұл вакцина сол кездегі шаруашылықтарда кең қолданылды. 1972 жылы бір топ ғалымдармен бірге оған Қазақ КСР-інің Мемлекеттік сыйлығы берілді. Негізгі еңбегі - «Контагиозная эктима овец и коз» (1974).