Георгий Иосифич Гризбил

Георгий Иосифич Гризбил (1929-1983) - композитор.

Ол Мұхтар Омарханұлы Әуезовтің «Абай жолы» роман-эпопеясының әсерімен симфония оркестрге арнап «Абай» поэмасын (1956) жазды. Поэма партитурасына полифониялық тәсілдермен өңделген бірқатар Абай әндерінің әуендерін енгізген, аспаптардың құрылымдық және дыбыстық ерекшеліктеріне сай ақынның жан-дүниесіндегі сазды, өмірінің күрделі кезеңдеріндегі көңіл-күй толқынысын сәтті көрсете білген. Қазақ пен орыс халқының қарым-қатынасы туралы ой-толғауы - орыстың «Эй, ухнем», «Дубинушка» әндерімен ақынның өз әндерінің үндесуі арқылы жарасымды берілген.