Георгий Семенович Шпагин

Георгий Семёнович Шпагин (орыс. Георгий Семёнович Шпагин; 1897 жыл 29 сәуір, Клюшниково ауылы, Владимир облысы  — 1952 жыл 6 ақпан, Мәскеу, Ресей) - кеңес атқыштар қару-жарағының құрылымдаушы, Социалистік Еңбек Ері (1945).

Георгий Семёнович Шпагин

Өмірбаяны

• Болашақ құрылымдаушы Клюшниково ауылында қарапайым отбасы үйінде дүниеге келген.
• Үшжылдық мектепті бітірген.
• Бірінші дүниежүзілік соғыс кезінде 1916 жылы Шпагин әскер қатарына алынып, және қару-жарақ шеберханасы полкіне түсіп, Отандық және шетелдік түрлі қару-жарақтармен жете танысып алады. Қазан революциясынан кейін қару шебері болып Қызыл Армияның атқыштар полкінің бірінде жұмыс жасайды.
• 1920 жылы әскерден қайтқаннан кейін Георгий Шпагин Ковровск қару-пулёмет заводына темір ұстасы болып жұмысқа тұрады. Бұл кезде тәжірибелі мамандар В.Г. Фёдоров және В. А. Дегтярёвтермен тәжірибе алмасады. 1922 жылдан қару-жарақтардың жаңа түрлерін шығаруда белсенді түрде ат салысып тұрды. Оның жақсы бағаланған жұмыстарының бірі өндірістен кейбір жеткіліксіздіктері салдарынан шығып қалған 12,7-мм ірі калибрлі Дегтярёв пулемётін модернизациялау болды. Дегтярёв пулемётіне арнап ленталық қуат көзінің жаңа моделін шығарғаннан кейін, 1939 жылы жетілдірілген пулемёт Жұмысшы-шаруа қызыл әскеріне «12,7 мм ірі калибрлі Дегтярёв — Шпагин пулемёті» деген атпен қолданысқа енді. Дегтярёв — Шпагин пулемётін жаппай өндіру 1940-41 жылдары болды. Ұлы Отан соғысы жылдарында 8 мың пулемёт өндірілген.
• Құрылымдаушыға үлкен мәртебе әкелген жұмыстардың бірі 1941 жылы пайда болған Шпагин тапанша-пулемётінің туындысы болды. Жаңа құрастырылған тапанша-пулемёт қымбат әрі қиын дайындалатын басқа қаруларды алмастырып, бұл қару Қызыл Армияның Ұлы Отан соғысы кезіндегі ең көп қолданылған автоматтық қаруы болды. (Соғыс жылдары кезінде барлығы 6 141 000 дана шығарылған) және 1951 жылға дейін әскердің құралдандыруында болды. Бұл «автомат» фашистік әскерлермен соғыстағы жеңістің басты нышандарының бірі болды.
• Соғыс кезінде Шпагин өз өнертабысының жаппай өндіріске шығарылуын ұйымдастырумен болды. Сондай-ақ, 1943 жылы сигналдық тапаншасын ойлап табады.
• Кеңес Одағы Коммунистік Партиясына 1944 жылдан кіріп, КСРО Жоғарғы Кеңесінің II жиналысының депутаты болады. (1946-1950)
• 1952 жылдың басында асқазан қылтамағынан қайтыс болады.

Сілтемелер

• Семёнович Шпагин(қолжетпейтін сілтеме)
• Вятскополян тарихи музейінің сайтындағы биографиясы Мұрағатталған 14 желтоқсанның 2014 жылы.
• Г.С. Шпагина-ді ВКП(б)-ге қабылдау туралы жеке деректері Мұрағатталған 8 қарашаның 2012 жылы.